Taamatut akiuussutissamik kapitissaatit

Inuit Kalaallit Nunaanniittut tamarmik akiuussutissamik kapitinnissaminnut neqeroorfigineqassapput.

  • Akiuussutissamik kapitinnissamut neqeroorutit
  • Akiuussuserneqarputit
    • Sumiiffimmut akiuussutissamik kapuuiffimmukarnissannut piffissamik tunineqassaatit, imaluunniit illit ukiutit malillugit akiuussutissamik kapuuinissamut neqeroorfigitikkuit aggersinnaavutit.
    • Nukinni tuivit talivillu akornanniittumik kapitissaatit. Peqqissutsimik sulisumit kapineqassaatit. Tamatigut nakorsamik akiuussutissamik kapisinermi akisussaasoqartassaaq.
    • Kapitereernerup kingornatigut qanittumi minnerpaamik minutsit 15 utaqqissaatit, sapigaqartutut qisuariassagaluaruit peqqissutsimik sulisunit ikiorneqarsinnaaniassagavit.
    • Siullermeertumik akiuussutissamut kapitinnermi qaqugu aappassaanik akiuussutissamik kapitinnissamut aggersarneqarnissamut paasissutissanik tunineqarumaarputit, imaluunniit illit ukiutit malillugit aappassaaneertumik akiuussutissamik kapuuinissamut aggersinnaavutit.
  • Akiuussutissaq sunniuppoq
    • Akiuussutissap pisavit sorliunera apeqqutaalluni akiuussutissap tamakkiisumik sunniunnera aappassaanik kapitinnerpit kingornatigut ullut 7- 15 qaangiuppata tamakkiisumik sunniutissaaq.

Kikkut tamarmik COVID-19-imut akiuussusertinnissaminnik neqeroorfigitissimasut – imminnut inuiaqatigiillu sinneri eqqarsaatigalugit – akiuussusertinnissaat kaammattuutigineqarpoq. Akiuussutissiinermi angallassinerit allaffissornerillu annertuut pisariaqarmata, matumani akiuussutissat pissutsini immikkuullarissuni toqqortaatigineqartarneri kiisalu peqqissaanerup iluani suliaqartunik pissarsiorneq sungiusaanerlu ilanngullugit, illoqarfinni/nunaqarfinni tamani akiuussutissamik kapuuineq ulluni aalajangersimasuinnarni neqeroorutigineqartarpoq.

Kapitinnissamut takkussinnaanngikkuit, illoqarfinni kapuuisoqaqqinnerani akiuussutissamik kapitissinnaavutit Illoqarfinni nunaqarfinniluunniit akiuussutissamik kapuuinerit naammatsissimappata, sinneruttunik kapuuinissaq qaqugu pissanersoq paasiniarlugu najukkanni peqqinnissaqarfimmut attaveqassaatit.

Piffissami illit ukioqativit kapitiffissaanni illoqarfimmi/nunaqarfimmi allamiikkuit, illoqarfimmi/nunaqarfimmi tassani kapitinnissannut periarfissinneqarsinnaavutit.

Kingullermik nutarterneqarpoq