Boosterimik akiuussuserneqarnissamut neqeroorut

Kalaallit Nunaanni innuttaasunut 50-ileereersimasunut tamanut maanna COVID-19-mik booster-mik akiuussusertinnissamik neqeroorfigineqalerput.

Pingajussaanik akiuussuserneqarnissamut neqeroorut akeqanngilaq pinngitsaaliissutaananilu

Booster-mik kapitissinnaasut tassaapput:

Innuttaasut 50-nik imaluunniit sinnerlugit ukiullit.

Innuttaasut 50-it ataallugit ukiullit aammalu aarlerinartorsiortut immikkullu eqqugaasinnaasunut.

Peqqinnissaqarfinni aammalu utoqqaat illuini sulisut, sullitaminnut qanillillutik sullissisartut.

Naartusut 1. trimester-miik.

Qaammatit pingasut matuma siorna aappassaanik akiuussuserneqarsimaguit, boostervaccinemik  kapitissinnaavutit. Sumiiffiit ilaanni peqqissaavinniit aggersarneqarumaarputit, sumiiffiillu ilaanni drop-in (ornigutiinnarluni) kapitikkiartortoqarsinnaajumaarluni. Illit qaqugukku akiuussuserneqarsinnaanerlutit akiuussusersuinissamut pilarsaarut uani takuuk.

Akiuussutissamik Moderna’s Spikevax-mik kapitinnissamik neqeroorfigineqassaatit.

Inuit, Danmarkimisut booster-mik akiuussusertinnissamik neqeroorfigineqarsimasut, aammalu nalilersuutinik qulaani taaneqartunik naammassinnissimasut, Kalaallit Nunaanni akiuussusertinnissamik neqeroorfigineqassapput, naak pingaarnertut akiuussutissanik maani akiuussusertereersimanngikkaluartut. Pingaarnertut akiuussusertinnerup kingorna qaammatit pingasut qaangiussimanissaannik nalilersuutigineqartoq aamma naammassineqarsimassaaq.

Innuttaasut qulaani allassimasuni ilaangitsut boosterimik akiuussutissamik kapitinnissamut neqeroorfigineqassanngillat.

EU-Kommissionip akuersissutigereerpaa booster-mik akiuussusersuineq innuttaasunut 50-nik imaluunniit sinnerlugit ukiulinnut Moderna’s Spikevax atorlugu kapitissinnaasut.

Booster-mik akiuussutissamik kapitinneq aatsaat pisinnaavoq aappassaanik kapitereernermiik qaammatit pingasut qaangiussimappata. Moderna’s Spikevax-mik akiuussutissamik kapitinnissamut neqeroorfigineqassaatit.

Corminaty® Pfizer/BioNtech-meersumik pingajussaaneerluni akiuussuserneqarnermi annertussusissaa siullermik akiuussuseqarneq assigalu 30 mikrogramimik annertussusilimmik akiuussusiisoqassaaq.

Moderna’s Spikevax-meersumik booster-mik akiuussuserneqarnermi annertussusigissavaa 0,5ml.

Akiuussutissat tamarmik saniatigut sunniuteqarsinnaapput, tamanna aamma COVID-19-imut akiuussutissanut atuuppoq. Amerlanertigut sakkukitsumik sivikitsumillu nalinginnaasumik uloriananngitsumillu atuuttarput. Peqqissutsimut oqartussaasut akiuussutissat EU-mit akuerisat assut isumannaatsutut uppernarsarluarneqarsimasutullu isigaat.

Akiuussutissamut sakkortusaataasumik akiuussutissinneqarnermi naatsorsuutigineqarsinnaavoq COVID-19-imut akiuussutissap saniatigut sunniuteqartarneratulli kinguneqarsinnaanera.

Saniatigut sunniutit uani atuakkit.

Kingullermik nutarterneqarpoq