Nualluummut akiuussuserneqarnissamut neqeroorut
Kalaallit Nunaanni innuttaasut aarlerinartorsiutoq immikkullu eqqugaasinnaasut nualluummut akiuussuserneqarnissaannik neqeroorfigineqarput. Nualluut virusimik tunillatsinneruvoq, kikkulluunniit atugarisinnaasaat, ukiukkullu akulikinnerusumik atugaasartoq. Innuttaasut ilaasa sakkortunerusumik atortarpaat, allaallu inuunermik ulorianartorsiortitsisinnaasarluni, aammalu perulunnerulertoqarsinnaasarpoq, ataatsikkut COVID-19 nuallunnerlu atoraanni.
Nualluummut akiuussuserneqarnissamut neqeroorut akeqanngilaq pinngitsaaliissutaananilu.
-
Nualluummut akiuussutissamik akeqanngitsumik ukua neqeroorfigineqassapput:
- Innuttaasut tamarmik januarip 15-iani 2022 nallertinnagu 65-ileereersimasut
- Innuttaasut 65-iliineqanngitsut immikkut aarlerinartorsiortut:
- Puamikkut immikkut nappaatillit
- Uummatikkut ataavartumik nappaatillit
- Type 1-imik imaluunniit 2-mik sukkortut
- Inunnguuseralugu imaluunniit tunillanneqarnikkut akiuussutissaqarnikkut ajoquteqartut
- Nukitigut sanngiilisimanerup kinguneranik anersaartornikkut sunnerneqarsimasut
- Tingumikkut aamma tartumikkut ataavartumik nappallit
- Ilungersunartumik pualasuut (BMI>35) nakorsap nalilersuereerneratigut
- Meeqqat arfinilinnik qaammatilinniit aammalu inersimsut sakkortuumik nappaatillit, nappaatertik peqqutigalugu nakorsamiik nalilersorneqartut nualluummut immikkut sakkortuumik eqqugaasinnaasut
- Meeqqat immikkut eqqugaasinnaasut illoqataat.
- Naartusut 2. aammalu 3. trimester-miittut.
- Inunnguuseralugu imaluunniit tunillanneqarnikkut akiuussutissaqarnikkut ajoquteqartunut illoqataasut.
- Peqqinnissaqarfimmi utoqqarnillu sullissisut, innuttaasut immikkut aarlerinartorsiortut ulluinnarni sullissisartut, paaqqutarinnittartut peqqissaasartullu.
Nakorsamit innuttaasoq akiuussutissamik neqeroorfigineqassanersoq sukumiisumik nalilerneqartarpoq.
-
Kalaallit Nunaanni nualluummut akiuussutissaq Fluenz Tetra® atorneqartarpoq, uumassusillit nukillaartitat atorlugit akiuussutissaasoq.
Meeqqanut nualluummut akiuussutissaq qinngami sorlunnut seqqartaatitut tunniunneqartarpoq.
Akiuussutissaq nappaatillit ilaannut meeqqanullu timimikkut akiuussutissaluttunut atoqquneqanngilaq. Meeqqanut timimikkut akiuussutissaluttunut qatanngutaasut akiuussutissamik uumassusillit nukillaartitat atorlugit akiuussutissalerneqartariaqanngillat, meeqqap timimigut akiuussutissaluttup tunillanneqarsinnaanera pissutigalugu.
-
Meeqqat 2 – 6-inut ukiullit marloriarluni, sapaatip akunnerinik 4-nik akunnilertarlugit, akiuussutissamik neqeroorfigineqassapput.
Meeraq nualluummut akiuussuserneqareersimappat ataasiaannarluni akiuussusiisoqassaaq.
Meeqqanut nualluummut akiuussutissaq qinngami sorlunnut seqqartaatitut tunniunneqartarpoq.
-
Nalinginnnaasupilussuupput (> 10 %)
Naanik-inalukkanik ippigisaqarneq
Qasoqqaneq, iluaalliorneq
Kapitiffigisap nalaatigut ippigisaqarneq iluaalliorneq
Nererusussuseqarpallaarunnaaneq
Nukikkut anniarneq
Niaqorlunneq
Puullinganeq, Isumaloqqajaaneq
Nalinginnaanerit (1-10 %)
Timminneq, meriarneq
Kissarneqarneq, qiiarlunneq
Saarngerineq
Kiagunnermik iluaalliorneq
Kingullermik nutarterneqarpoq