Akiuussusersuineq
Akiuussuserneqarit
Peqqinnissaqarfiit Covid-19-imut akiuussusersuinerit ukiaanerani 1. oktober 2022 aallarnerfigalugu aallarteqqilerpaat.
Akiuussusersuinermi uku akiuussutissat neqeroorutaassapput:
Toqqammaviusumik Covid-19-mut akiuussutissaq (Moderna)
Innuttaasut 18-reernikut aammalu ataasiaannaq akiuussutissamik kapitinnikut, imaluunniit suli akiuussutissamik kapitinneqanngittut.
Boostervaccine (Moderna’s Spikevax)
Innuttaasut 50-nik imaluunniit sinnerlugit ukiullit
Innuttaasut 50-it ataallugit ukiullit aammalu aarlerinartorsiortut immikkullu eqqugaasinnaasunut.
Peqqinnissaqarfinni aammalu utoqqaat illuini sulisut, sullitaminnut qanillillutik sullissisartut.
Naartusut 1. trimester-miik.
Qulaatungaani allassimasuniittut innuttaasut marloriaq akiuussutissamik kapitereersimasut, kingullermiillu kapitinnermiik qaammatit pingasut qaangiutereersimappata, ukiaanerani boosterimik kapuuinermi kapitissinnaapput.
Innuttaasut qulaani allassimasuni ilaangitsut boosterimik akiuussutissamik kapitinnissamut neqeroorfigineqassanngillat.
Nualluummut akiuussutissiineq
Innuttaasut 65-sileereersimasut
Innuttaasut 65-it ataallugit ukiullit kiisalu aarlerinartorsiortut immikkullu eqqugaasinnaasunut.
Peqqinnissaqarfinni sulisut
2. aammalu 3. trimester-mi naartusut
Akiuussusersuineq pillugu paasissutissat Peqqinnissaqarfiit toorneratigut nanisinnaavatit.
Nittartakkami akiuussutissamik kapitinnissamut piffissat sumiiffissallu ingerlaavartumik malinnaaffigikkit. Sila assigisaaluunniit peqqutigalugit pilersaarutit allanngorsinnaapput.
Nunaqarfinnut Peqqinnissaqarfimmiit tikittoqartillugu nunaqarfinni akiuussusersuisoqartarumaarpoq. Nunaqarfinni najugallit illoqarfinniitsillutik illoqarfinni aamma akiuussuserneqarsinnaapput.
Napparsimavinni peqqissaavinnilu uninngasut akiuussuserneqarnissamik neqeroorfigineqarumaarput.
Københavnimi Kalaallit Peqqissartut Illuanni peqqissartut uninnganerminni akiuussuserneqarnissaannut ikiorneqarumaarput.
MALUGIUK. Mobiili atorukku, tabelilu tamaat takuniarukku talerpimmut scrollissagavit (Paasissutissat ilaat talerpiata tungaaniittut mobiilimi ilaatigut ersinneq ajormata.
Kingullermik nutarterneqarpoq