Akiuussuserneqarnermi amerlassusissat akuttussusissallu

Camirnaty®-mik (Pfizer/BioNtech) aappassaanik akiuussuserneqarneq siullermeernermiit ullut 21-t qaangiunneranni pissaaq.
COVID-19-imut akiuussutissamik Moderna®-mik akiuussuserneqarneq siullermeernermiit aappassaaneerneq ullut 28-t qaangiussimassapput.

Marloriarluni akiuussuserneqarnerup kingunitsianngua amerlanertigut illersuutaallualereertarpoq. Comirnaty®-p nassuiaatitaa naapertorlugu ullut arfineq marluk kingorna tamanna pisarpoq. COVID-19-imut akiuussutissaq Moderna® ullut 14-it kingorna pisarluni.

Akiuussutissat tamarmik nappaammut illersuisinnaanerat tamakkeeqqissaartuunngilaq. Tamanna pillugu covid-19-imut akiuussuserneqarsimagaluaraanniluunniit tunillatsittoqarsinnaavoq, amerlanerpaalli covid-19-imut illersuutigissavaat. Qanorli sivisutigisumik illersuutaasinnaanera suli iluamik paasineqanngilaq.

Danskit coronamut akiuussuserneqarsimanermut uppernarsaataat siullermeerluni akiuussuserneqarnermiit ullut 14-it 42-llu akornanni atuutilertarpoq. Coronamut akiuussuserneqarsimanermut uppernarsaat siullermik akiuussuserneqarsimanermi ullut 14-it kingornaniit ullut 42-at tikillugu atuutissaaq. Innuttaasut aappassaanik akiuussuserneqarnissaat ullut 42-t qaangiutinnginnerini pissasoq naatsorsuutigineqarpoq.

Aappassaanik akiuussuserneqarnissaq puigortoorsimagaanni sapinngisamik piaartumik pineqassaaq. Akiuussutissinneqarnerli aallaqqaataaneertinneqarnavianngilaq.

Innuttaasoq covid-19-imut akiuussutissanik assigiinngitsunik tunineqartoorsimappat tamakkiisumik akiuussuserneqarsimasutut nalilerneqarsinnaavoq. Ima paasillugu amerlanerusunik akiuussuserneqassanngilaq. Assersuutigalugu innuttaasoq Comirnaty®-mik kingornalu COVID-19-imut akiuussutissamik Moderna®-mik paarlattuanilluunniit tunineqarsimappat tamakkiisumik akiuussuserneqarsimasutut isigineqassaaq.