Nalunarutini nutaani – nal. ak. 48-it iluanni covid 19-imut misissortissimanermi tunillatsissimannginnermut uppernarsaatillit pinnatik, imerniartarfinnut,- kulturimut tunngasunik aaqqisuussinernut-, illup iluani silamilu periarfissanut assigisaannullu ornigunniaraanni, covid-19-imut tamakkiisumik akiuussutissinneqarsimanissaq piumasaqaataavoq.
Arfininngornerup 31. juli 2021-p unnuaani unnuap qeqqaniit nalunaarutit marluk atuutilissapput. Maleruagassat killilersuinerillu, 10. august 2021 ilanngullugu atuuttussat uani atuarsinnaavatit.
Innuttaasut ilaat COVID-19-imik tunillatsissimasoq tallimanngornerup arfininngornerullu unnuaani juulip 23-24-ani imerniartarfinniissimavoq. Nanuaraq, Nanoq aamma Tulugaq isersimaffigisimallugit.
Inussivimmi akiuussusersuisoqarnera iluatsilluarmat Inussivimmi akiuussusersuisoqaqqinnissaa aalajangiunneqarpoq.
Nalunaarut maanna atuuttoq Upernarfimmut nunaqarfiinullu, kiisalu Aasiannut sivitsorneqarpoq. Upernavimmi nunaqarfiinilu, kiisalu Aasianni assartuutinut tamanit atorneqartunut ilaalluni angalassagaanni akiuussutissamik kapitissimanermut uppernarsaateqarnissaq imaluunniit coronamut misissortinnermi tunillatsissimannginnermut uppernarsaateqarnissaq piumasarineqarpoq. Nuna tamakkerlugu akiuussutissamik kapitissimanermut uppernarsaateqarnissaq pisariaqartussaavoq.
Pingasunngorneq unnukkut juulip 28-anni tunillatsissimasut nutaat arfineq pingasut paasineqarput. Upernavimmi ataaseq sinnerilu arfineq marluk Aasianni. Aasianni meeraaqqerivik nalunartut pillugit matuneqarpoq.
Aasiaanni inoqutigiinnit ataatsinit sisamat COVID-19-imik tunillatsisimasut ullumi misissortinneranni paasineqarpoq, tunillatsissimasut Upernavimmi tuniluunnermut ilisimaneqartumut attuumassuteqanngitsut. Taamaattumik innuttaasut tamarmik mianersoqqissaarnissaannik kaammattorneqarput.
Avannaani misissuinernit tunillatsissimasut nutaat paasineqarput, Upernavimmi 4-t Tasiusamilu 8-t. Tunillatsissimasunik misissuineq suli ingerlanneqarpoq, tunillatsissimasullu angerlarsimaffimminni mattusimapput.
Misiligutit tunillatsittoqarsimaneranik inernillik tamarmik Qallunaat Nunaannut nassiunneqartarput coronavirusit ilaat sorliunersoq paasiniarlugu. Maanna misissuinerit takutippaat coronavirusit ilaat Deltamik taaneqartoq Kalaallit Nunaannut apuussimasoq. ”Juulip arfernani Airbussimi Qallunaat Nunaanniit nunatsinnut tikittumi…
Naartusut milutsitsisullu maannakkut COVID-19-imut akiuussutissamik neqeroorfigineqarput. Neqeroorut nammineq piumassuseq malillugu pineqarsinnaavoq akeqaranilu.