Inussivimmi akiuussusersuisoqarnera tigulluarneqarpoq
Kingullermik nutarterneqarpoqInussivimmi akiuussusersuisoqarnera iluatsilluarmat Inussivimmi akiuussusersuisoqaqqinnissaa aalajangiunneqarpoq.
Ullumi juulip 29-ani 16-ileereersimasunut tamanut, aamma naartusunut milutitsisunullu akiuussusersuisoqarpoq.
”Ullaap tungaa Inussiviup matui ammarneqarmatali akiuussusersuiffiit arfineq-pingasuusut ingerlarsorsimapput. Maanna 14-inut amerlivagut. Ikiutaasut piffissaq sivikitsoq atorlugu ikiuunnissaminnut peqataasinnaammata, aammalu innuttaasut kapitikkiartukaasut amerlammata nuannaarpugut.” Taama oqarpoq nakorsat qullersaat Berit Bjerre Handbjerg.
Nal. 14.15 missaani innuttaasut 900-t kapitereersimapput, aamma piffissami tassani Inussiviup silataani tunuleriiaattut amerlasoorujussupput, akiuussutissalli naammattut pigineqarput.
Aqagu juulip 30-ani nal. 09.00 – 13.00 Inussivimmi akiuussusersuisoqaqqissaaq aamma; Marlunngorpat aggustip pingajuani nal. 10.00-miit 17.00 tungaanut Inussivimmi akiuussusersuisoqassaaq.
Eqqaamaqquneqarpoq, siullermik kapitinnermiit aappassaanik kapitinnissamut ikinnerpaamik ullut 28-t ingerlareersimassammata (MODERNA) kiisalu;
Siullermik kapitinnermiit aappassaanik kapitinnissamut ikinnerpaamik ullut 21-t ingerlareersimassammata (Pfizer)