Aasianni COVID-19-imik tunillatsisimasut sisamat, tuniluunnerulli pilerfia ilisimaneqanngilaq

Kingullermik nutarterneqarpoq

Aasiaanni inoqutigiinnit ataatsinit sisamat COVID-19-imik tunillatsisimasut ullumi misissortinneranni paasineqarpoq, tunillatsissimasut Upernavimmi tuniluunnermut ilisimaneqartumut attuumassuteqanngitsut. Taamaattumik innuttaasut tamarmik mianersoqqissaarnissaannik kaammattorneqarput.

Aasiaanni inoqutigiinnit ataatsinit sisamat COVID-19-imik tunillatsissimasut paasineqarpoq. Tunillatsissimasut tuniluunnernut ilisimaneqareersunut attuumassuteqanngimmata tuniluunnerup aallaavia paasiniarlugu politiit misissuileruttorput.

Tuniluunnerup aallaavia suli paasineqanngimmat pingaaruteqarluinnarpoq, innuttaasut kikkulluunniit mianersoqqissaarnissaat maleruaqquneqartunillu malinninnissaat.
Naalakkersuisut aqagu nal. 13.00 tusagassiortunik katersortitsineranni nutaarsiassat kingulliit oqaatigineqarumaarput.

Killilimmik angalaarnissamik aamma qanimut attaveqarnerit sapinngisamik ikittuinnaatinneqarnissaannik kikkulluunniit kaammattorneqarput Peqatigitillugu kikkut tamarmik ersiutaasinnaasunik eqqumaffiginninnissaat kaammattuutigineqarpoq, nalinginnaasumillu siunnersuutit eqqaamallugit:

– Ersiuteqaruit tunillatsissimasumilluunniit qanimut attaveqarsimaguit angerlarsimaannarit aamma misissortigit
– Assatit asakulakkit assannulluunniit sprit atoruk
– Talippit peqiffianut quersorit tangajorilluunniit
– Timikkut attaveqarnitit killilersimaakkit
– Eqqiaasarnissaq silaannarissaakulanissarlu eqqumaffigiuk – angerlarsimaffimmi, suliffimmi assigisaanilu
– Qanillinaveersaarit allallu mianersoqqullugit