Innuttaasunut sap. ak. matumani aappassaa akiuussutissinneqartussanut SMS-ikkut nalunaarutit kukkuneqarnerat Peqqinnissaqarfimmit ajuusaarutigineqarpoq.
Tuniluunnersuup nalaani Kalaallit inuiaqatigiit nunarsuarmi inuiaqatigiit akornanni ikinnerpaamik killilersuinikuupput sapinngisamillu minnerpaamik inuiaqatigiinni pingaarutilimmik suliassaqarfinnut akornusiisimalluni. Avataaniit tikinnermiit killilersuisimanerup attatiinnarneqarsimaneranik tamanna annerpaamik pissutigineqarpoq. Juuli aallaqqaataanniit maleruagassat qasukkartinneqassapput, taamaasilluni pisortat pisariaqartitaat angalasussallu bilitsinik pisariaqartitsinerat matussuserneqassapput.
Nuummi angut inuusunnerusoq, 40-t missaannik ukiulik ullumi 16. juni 2021-mi Covid-19-imik napparsimalluni napparsimmavimmut unippoq.
Ullumi Nuummi tunillatsissimasinnaasunik misissuinermut atatillugu misissugassat 90-it tiguneqarput – taakkunannga tunillatsissimasunik allanik nassaartoqanngilaq. Tamannali tuniluunnerup uninneranik isumaqanngilaq. Tunillatsissimasinnaasut tamarmik angerlarsimaannartussaapput.
Nuummi meeraaqqerivik Ungaavaraq matugallarpoq.
Sap. ak. 24-imi Pfizer atorlugu Nuummi Covid-19-imut akiuussuseeqqittoqassaaq.