Nuummi Pfizer atorlugu akiuussuseeqqinnissaq
Kingullermik nutarterneqarpoqSap. ak. 24-imi Pfizer atorlugu Nuummi Covid-19-imut akiuussuseeqqittoqassaaq.
Marlunngornermi, pingasunngornermi, sisamanngornermilu juunip ulluisa 15-ianni, 16-ianni 17-iannilu illoqarfiit pingaarnersaanni innuttaasut isumaginninnikkut ajornartorsiortut aappassaa akiuussutissinneqassapput. Tamanna ukunani pissaaq: Frelsens hær, Kofoed skole, Ikaarsaafik aamma Aaqa.
Tamatuma saniatigut sisamanngornermi juunip ulluisa 17-ianni ualikkut Pfizer atorlugu innuttaasunik aappassaa kapitissimanngitsunik akiuussutisseeqqittoqassaaq.
Tamanna pissaaq sisamanngornermi juunip ulluisa 17-ianni nal. 12.30-imiit 15.15-imut Dronning Ingridip Napparsimmavissuata ataatsimiittarfiini. Siuliani arlannik patsiseqarlutit aappassaa kapitissimanngikkuit neqeroorummi matumani tamatumunnga periarfissinneqassaatit.
SMS
Pingasunngornermi ualikkut innuttaasunut Pfizer atorlugu aappassaa kapitissimanngitsunut SMS-erluni nalunaartoqassaaq. SMS-imi qassinut takkunnissaq erseqqinnerusumik nalunaarutigineqassaaq.
Siullermik Pfizer atorlugu kapitereersimaguit pingasunngornermilu ualikkut SMS-ersisimanngikkuit sisamanngornermi juunip ulluisa 17-ianni nal. 14-ip 15-illu akornanni ataatsimiittarfinnut kapiteqqikkiartorsinnaavutit.
Nalunaarut una pillugu apeqqutissaqartut uunga attaveqassapput: Sundhedsledelsen@peqqik.gl.