Upernavimmi tuniluuttoqarpoq

Kingullermik nutarterneqarpoq

Upernarvimmi tuniluuttoqarnera ilimanaateqarpoq. Innuttaasut taamaattumik angerlarsimaannarnissaannik kaammattorneqarput, aaqqissuussinerniissimagunik.

Upernavimmi arlaqartut kaffillertuniissimapput tunillanneqarsimanertik suli paasinagu aamma tunillaasinnaatillutik.

Angerlarsimaannarnissamik kaammattuut
Akuusut amerlassusii ima amerlatigisimapput tamatumani Coronamut allatseqarfimmit inuit ataasiakkaat paasiniarnissai attaviginissaalu ajornarsimalluni. Taamaattumik kikkut tamarmik kaammattorneqarput, aaqqissuussani ukunani peqataasimasunut, namminneq piumassutsiminnik angerlarsimaannarnissaannik peqataanermiillu ullut 7-it qaangiunneranni negativinngorsimanissap tungaanut.

Tasiusaq
15. juuli – Kaffillerneq nereqatigiinnerlu

Upernavik
17. juuli – Katittut kaffillernerat
20. juuli – Kaffillerneq
21. juuli – Kaffillerneq

Nakorsaaneqarfimmit taamatut iliuuseqarneq amerlasuunut eqquinissaa ilisimaneqarpoq, kisianni Upernavimmi tuniluunneq siaruatsaalineqassappat angerlarsimaannarnissamik kaammattuut tamanit malinneqarnissaa pisariaqarpoq.

Upernavimmi misissuineq
Upernavimmi misissortinnissamik neqerooruteqartoqarpoq Peqqinnissaqarfimmut piffissamik inniminniinikkut uunga: 96 49 13.

Qanimut attaveqarsimasut immikkut maluginiassavaat COVID-19-ip ersiutaanik peqalernissartik, tunillatsisimasumut attaveqarsimanermiit ullut 14-it angullugit tamanna eqqumaffigineqassaaq. Mianersortuarnissaq pisariaqarpoq aamma ersiutaasinnaasut pillugit eqqumaffiginninnissaq, naak ullut 7-issaani misissortinnermi negativiusimagaluaraanniluunniit.

Eqqaamajuk
Kikkut tamarmik angalaarnissartik killilersimaassagaat kaammattuutaavoq aamma qanimut attaveqarnermi amerlassutsikkut sapinngisamik ikinnerpaaffianiitinniarnissaa pillugu.

Peqatigitillugu innuttaasut tamarmik ersiutaasinnaasunik maluginiagaqarnissaannik kaammattorneqarput siunnersuutillu nalinginnaasut eqqaamaqquneqarput:

– Napparsimaguit angerlarsimaannarit misissortillutillu
– Assatit asakulakkit imaluunniit håndsprit atoruk
– Talivit peqiffianut tangajorit quersorilluunniit
– Assannik eqitsinaveersaarit, kuniuinaveersaarit pakkussinaveersaarillu – qanillilluni attaveqarneq killilersimaaruk
– Eqqiluisaarnissat eqqumaffigiuk – angerlarsimaffimmi suliffimmilu
– Qanillinaveersaarit allallu mianersoqqullugit