Nuummi sapaatiuppat juulip 25-ani Inussivimmi akiuussusersuisoqassaaq

Akiuussuserneqarnissamik soqutiginninneq annertooq kinguneraa Nuummi immikkut ittumik kapuuisoqarnissaa. Tamanna sapaatiuppat juulip 25-ani Inussivimmi nalunaaqutaq 10.00-miit pissaaq.

Akiuussuserneqarnissamik soqutiginninneq annertooq peqqutigalugu Nuummi sapaatiuppat nalunaaqutaq 10.00-miit immikkut ittumik akiuussusersuisoqassaaq. Akiuussutissamik kapuuiffimmukarniaraanni aammalu akiuussusersuivimmiit ingerlaniaraanni akeqanngitsumik bussertoqarsinnaavoq.

Tunuleriiaattoqarnissaa pinaveersaartinniarlugu piffissani assigiinngitsuni akiuussusersorniakkat assigiinngitsut akiuussusersorneqassapput. 

Akiuussusersorniakkanut piffissalersuinermullu pilersaarusiaq aalajangersagaq suli pilersaarusiorneqarpoq, aalajangersagarlu arfininngornermi nalunaarutigineqarumaarpoq. Taamaammat innuttaasut akiuussusersorneqartussat qassinut akiuussutissinneqarnissatik paasiumallugu tusagassiorfinnut aammalu corona.gl malinnaaffiginissaat kaammattuutigineqarpoq.

Innuttaasut suliffeqarfiillu assigiinngitsut amerlasuut ikiuunnissamik neqeroorneratigut immikkut ittumik akiuussusersuinissaq pisinnaasimavoq. Suleqataasorpassuit suliartoquneqarnerminni akuersisimasorpassuarnut nersualaarneqartariaqarput.

Sapaatiuppat akiuussusersuisoqalerpat takuss’