Nuummi akiuussusersuinerit: Ilimagisamiit iluatsilluarneruvoq
Kingullermik nutarterneqarpoqInnuttaasut 440-t ippassaq Nuummi kapitikkiartorsimapput, nakorsaanerup tamanna nuannaarutigaa ullorlu iluatsilluartutut nalilerlugu.
Covid-19-imut akiuussuserneqarnissamut neqeroorut Nuummi tigulluarneqarpoq, inuppassuit Atuarfik Ukaliusap eqaarsarfianut kapitikkiartorlutik ornigussimapput.
”Eqimattat 18 sinnerlugit ukiullit, siullermeerlutik kapitittut ullup qeqqata kingorna kapitikkiartortut procentimik ataatsimik amerleriarsimapput, tamanna inerneruvoq iluatsilluartoq”, nakorsaaneq Henrik L. Hansen taama oqarpoq.
Kapuuisoqarnerani ornigulluartoqarsimanera akiuussusersuinermi ataqatigiissaarisup Anna Wangenheimip aamma iluarisimaarpaa.
”Ilimagisatsinniit iluatsilluarneruvoq. 300-t takkunnissaannut neriulluarluta missiliussimavarput, taamaattorli innuttaasut 440-t takkupput, tamanna torraqaaq. Tullissaani neqerooruterput eqaannerusinnaanera sulissutigissavarput”, Anna Wangenheim oqarpoq.
Piffissaq sivikitsoq atorlugu taama amerlatigisunik kapuuinissanik aaqqissuussineq suliaavoq annertooq, aaqqissuussarlu iluatsissinnaasimavoq innuttaasut nammineq kajumissuseq atorlugu ikiuunneratigut. Taamaammat innuttaasut nammineq kajumissuseq atorlugu ikiutaasimasut annertoorujussuarmik qujaffigineqarusupput.