Akiuussutissamik kapuuisartut naggammik Upernaviliassapput

Maannakkut coronamut akiuussutissamik kapitinnissamut periarfissaq kingulliuvoq. Taamaattumik siullermeerlutik kapitissimanngikkuit, imaluunniit aappassaaneerlutit kapitinnissat amigaatigigukku maannakkut periarfissaqarputit.

Tamanna pissaaq Upernaviup Peqqissaaviani arfininngorneq juulip qulinganni nal. 18.45-p 20.30-llu akornanni. Illoqarfinni akiuussutissamut kapitikkiartortut amerlasimapput, taamaalillutik innuttaasut 51%-i naammassillutik akiuussutissamik kapitereerput, 78%-illu siullermeerlutik kapitereerput.

”Qujanartumik Upernavimmi innuttaasut amerlanerpaat akiuussutissamik kapitereerput, sulili procentimininnguit amigaatigaagut ukiamut tuniluuttoqarnissaa pinaveersaartinnissaanut innuttaasut illersorniarlugit, taamaattumik akiuussutissamik kapitinnissamut amigaateqartut tamaasa takkunnissaannut kaammattorusuppakka”, Nunatta nakorsaa Henrik L. Hansen oqarpoq.

Kapuuisartut sinerissami angalasut maluginiarsimavaat innuttaasut angalasussat, taamalu akiuussusersimanermut pas-imik pisariaqartitsisut, akiuussutissamik kapitinnissaminnut soqutiginninnerusut, Nunatta nakorsaali malillugu angalanissamut pilersaaruteqanngikkaluarluni neqeroorummik akuersinissaq pissutissaqarluarpoq.

”Akiuussutissat angalasunuinnaanngillat. Akiuussutissamik pisariaqartitsineq naatsorsuutigisamit annertoorujussuusoq paasivarput. Maanna Europami Coronap allannguutaa Delta tuniluuttoq ima tuniluutiatigaaq allaat Kalaallit Nunaannut takkutinnginnissaa piviusorsiunngitsutut taaneqarsinnaalluni. Immitsinnut illersorniarutta illersuutigisinnaasatuagut tassaapput akiuussutissat”, Henrik L. Hansen oqarpoq.

Upernavimmi arfininngorpat siullermeerlunilu aappassaaneerlunilu kapitittoqarsinnaavoq. Moderna atorlugu akiuussutissamik kapuuisoqassaaq.
Sumi: Upernaviup Peqqissaavia
Piffissaq: Arfininngorneq 10.7 nal. 18:45-miit 20.30-p tungaanut