Coronamik tunillatsisimasoq Nuummi siumorneqarpoq

Kingullermik nutarterneqarpoq

Angalasoq arfininngornermi juulip pingajuani ullut tallimassaanni misissortinnermi COVID-19-imik tunillatsissimasutut paasineqarput.

Tunillatsissimasup angerlarsimaannaqqusaaneq malissimavaa, taamaammat Nuummi tunillaassuuttoqarnissaanut aarlerinartoqanngitsoq nalilerneqarluni.

Coronavirusi sorliunersoq oqaatigineqarsinnaanngikkallarpoq nunatsinni misiliut misissornissaanut atortorissaaruteqartoqanngimmat. Taamaammat coronavirusi suussusersiniarlugu misiliut Qallunaat Nunaannut nassiunneqassaaq.

Coronavirusi ilaat tuniluutianerusoq Deltamik taaneqartoq Europami siaruaanneruleriartornera peqqutigalugu, tunillatsissimasu angalanermi eqqaaniissimasut misissortinnissaat anguniarlugu nunatta nakorsaaneqarfianiit attavigineqassassut aalajangiunneqarpoq, pineqartut tamakkiisumik akiuussusersimagaluarpataluunniit aamma misissortissapput.

Coronavirus ilaat Deltamik taaneqartoq Nunatsinni apuunnissaa pinngitsoorneqarsinnaanngilaq. Angalasut tamarmik kiisalu angalasimasumut attavillik Covid-19-ip ersiutaanik atugaqartillutik misissortittarnissaat kaammattuutigineqarpoq. Taakku peqqissaavinnut qaninnermut attaveqassapput. Oqarasuuatit normua Nunatta Nakorsaaneqarfiata nittartagaani nassaarineqarsinnaapput, https://corona.gl/emner/kontakt?sc_lang=kl-gl