Tallimanngorneq 17. juuni aasarnissaanut COVID-19-imut akiuussutissamik kapitinnissamut periarfissaq kingulliuvoq

Kingullermik nutarterneqarpoq

Aallarnissannut kingullermeerlutit kapitinnissat amigaatigigukku tallimanngorpat tulliani periarfissaq kingulliuvoq. Ullup taassuma kingorna Peqqinnissaqarfik, aasaanerani isumalluutit killeqarnerat peqqutigalugu COVID-19-imut akiuussutissanik kapitinnissamut neqerooruteqarsinnaajunnaassaaq. Tassanngaannaq aallarnissaq imaluunniit assingusunik allanik pisoqarnissaa peqqutigalugu peqqissaaviit ataasiakkaat naammassinnissinnaassapput, kisiannili tunngaviusumik periarfissaq kingulleq tassaavoq tallimanngorneq 17. juuni.

Nunat arlallit, soorlu USA, Canada, Malaysia aamma Filippinerne suli tikinnginnermi akiuussusersuinermi naammassinnissimanissamik piumasaqaateqarput. Nunanut allanut angalasussat angalanissamut ilitsersuutit takuniarlugit danskit nunanut allanut ministereqarfiata nittartagaa alakkaqqullugu innersuunneqarput.