Nuummi misissuivik aamma Corona Hotline: Martsimi nutaanik ammasarfiit

Kingullermik nutarterneqarpoq

Nuummi tuniluunnerit ikiliartornerat peqqutigalugu, Nuummi misissuivik Corona Hotlinelu nutaanik ammasarfittaarput.

Martsip aallaqqaataaniit Nuummi misissuivik ataasinngornermi, pingasunngornermi tallimanngornermilu nal. 08.00-miit 15.00-p tungaanut ammasalissaaq:

  • PCR-imik misissortinneq nal. 08.00-miit 11.00-ip tungaanut ingerlanneqartassalluni kiisalu
  • 08.00-miit 15.00-ip tungaanut antigentestinik aallertoqarsinnaassalluni.

Aamma Corona Hotlinep ammassarfii sivikillineqarput, taamaasilluni ataasinngornermiit tallimanngornermut nal. 08.00-miit 16.00-p tungaanut ammasalissalluni.

Pilersaarutit malillugit Nuummi misissuivik martsip 31-ata tungaanut ammassaaq, taassumalu kingorna misissuisarneq Dronningip Ingridip peqqissaaviani ingerlanneqartalissaaq.