IT-mik ajornartorsiuteqarneq: Coronapas-it misissoruk
Kingullermik nutarterneqarpoqBoosterimik kapitissimaguit Coronapas-it misissussavat. IT-mik ajornartorsiuteqarneq peqqutigalugu maannarpiaq Kalaallit nunaanni boosterimik kapitinnerit danskit europamiullu Coronapas-ianut ilanngunniarneqartarnerat ajornakusoorpoq. Maanna kalaallit maleruagassaat malillugit Coronapas qaangiuttussaanngikkaluartoq, tamanna innuttaasunut nunatsinniit aallartussanut imaluunniit danskit Coronapas-ianni Kalaallit Nunaanni akiuussuserneqarsimasutut uppernarsaasiiniartarnermi ajornartorsiortitsivoq. Tassami danskit Coronapas-iat aappassaannik kapitinnermiit qaammatit tallimat qaangiunnerini qaangiuttarpoq.
Boosterimik akiuussusertinnerit Coronapas-innut ilanngunneqarsimanngippat, Sullissivik aqqutigalugu Coronapas-ivit nutarterneqarnissaa qinnutigissavat. Una linki atorlugu taamaaliorsinnaavutit: https://www.sullissivik.gl/Forms/Corona_Booster_Coronapas?sc_lang=kl-GL . Tamatuma kingorna Peqissutsimut Naalakkersuisoqarfimmi sulisup nammineerluni Coronapas-it nutartissavaa.
Danskit Coronapas-iat pigisat qaangiussimappat, app atorlugu EU-mi Coronapas-imut allanngortitsisinnaavutit. Tassami EU-mi Coronapas ingerlaannartumik qaangiunneq ajorpoq. Aamma Min Side-mut app nuuffigisinnaavat, tassani akiuussusertinnitit takusinnaagakkit. Kalaallit Nunaanni ininut tamanit iserfigineqarsinnaasunut, soorlu neriniartarfinnut kaffisorniartarfinnullu isissagaanni taamaallaat marloriaannarluni akiuussusertissimanissaq piumasaqaataavoq.