Pingajussaanik akiuussusertereersunut uppernarsaat kukkusumik coronapas-ikkut nuisartoq

Kingullermik nutarterneqarpoq

Innuttaasut arlallit pingajussaanik akiuussusertissimanertik pillugu nutaamik coronapas-imik piniaqqittariaqarnerinut atortorissaarutitigut ajoqutit peqqutaapput.

Qanoq ilinikkulluunniit Corona-Hotline-mut akiuussusertissimanitit coronapas-imut ikkutsinniaraluarukkit pingajussaanik akiuussusertissimanerit atortorissaarutitigut ajoquteqartoqarnera peqqutaalluni automatisk-imik coronapas-inni takuneqarsinnaassanngilaq. Taannalu iluarsiiviginiarukku Sullissivik aqqutigalugu pingajussaanik akiuussusertissimanerit pas-imut qinnuteqarnikkut ikkutsinniarsinnaavat.

Tamannali atuutinngilaq Kalaallit Nunaata avataaneersunut ataasiarlutik amerlasooriarlutilluunniit akiuussusertissimasunut.

Nutaamik qinnuteqarnikkut qulakkiissavat coronapas siunissami akiuussusertikkaangavit automatisk-imik (nammineerluni) nutartertarnissaa.

Nutaamik iluarsiissutissaliortoqarpoq tassa akiuussusersuineq eqqarsaatigalugu paasissutissat siunissami coronpas-app-imi automatisk-imik (namminneerlutik) nutarterneqartalissapput. Atortorissaarutit siuliini atorneqartut eqqarsaatigalugit paasissutissanik immersueriaatsit ullumikkumut nutaamut atuuttumut naleqqutinngillat. Taamaammatg siusinnerusukkut toortaariaatsit atorunnaarsinneqassapput ikkussueriaatsip nutaap aallartinneqannginnerani kingornalu coronapas-imi takuneqarsinnaalissaaq pingajussaanik akiuussusertissimaneq. Taamaammat nutaamik qinnuteqartariaqarputit siusinnerusukkut qinnuteqarnikuusimaguit.

Akiuussusertissimanermut paasissutissanik coronapas-imut ikkutassanik nutaamik qinnuteqaammik immersuileruit, nalunaarsorneqassapput immersueriaasitoqqap peerneqarnissaa nutaamillu automatisk-iusumik taarserlugu nammineq nutartertartussanngorlugu.

Taamaattorli ilisimassavat Coronapas-i imaajarneqassaaq aatsaallu ulloq taanna nal. Arfinernut unnukkut akiuussusertissimanitit takusinnaalissavatit. Taamaammat angalaniaruit ullualunnguilluunniit qaangiuppata allassaguit immersuinissat kinguartikkallaruk.

Tamatuma kingorna siunissami akiuussusertissimanitit tamarmik automatisk-imik coronapas-inni takusinnaalissavatit aamma pingajussaanik akiuussusertinnerit.

Immersuisinnaavutit Sullissivik iserfigalugu

Coronamut akiuineq ajuusaarpugut pisarissersoratsigit.