Tunillaassuunnerit sumit pinersut ilisimaneqanngikkaangata killilersuisariaqalernermik kinguneqartarpoq

Kingullermik nutarterneqarpoq

Nuna tamakkerlugu killilersuinerit pillugit nalunaarut allanngortissaaq sivitsorneqarlunilu, taamaalilluni illoqarfinni nunaqarfinnilu tunillaassuunnerit sumit pinersut ilisimaneqarfiunngitsuni kisimi atuuttussanngorluni

Nalunaarut nutaaq 5. januar-imiit 5. april 2022 tikillugu atuutissaaq.

Nalunaarummi nuna tamakkerlugu atuukkunnaarsillugu naleqqussaasoqarsimavoq. Killilersuutinik atuukkallartitsinissamut illoqarfimmi imaluunniit nunaqarfimmi qanoq tunillaassuuttoqarnerinik pisortaniillu tunillaassuunneq qanoq ilisimaneqartiginersoq imaluunniit ilisimaneqanngitsiginersoq apeqqutaalissaaq.

Killilersuutit imaapput
Illoqarfinni nunaqarfinnilu tamani ullut 14-it kingulliit tunillatsissimasoqartillugu tuniluunnerullu suminngaanneerneralu ilisimaneqanngippat nalunaarut atuutilissaaq. Illoqarfiillu pineqartut corona.nun.gl-ikkut tamanit takuneqarsinnaanngorlugit saqqummiunneqartassapput.

Illoqarfik nunaqarfilluunniit pineqartoq ilanngunneqarsimagaangat killilersuutit pingasut atuutsinneqalertassapput:

– Coronapas

– Tamanit iserneqarsinnaasut init isersimasorisinnaasaat killilerneqassapput

– Qanermut assiaquteqartitsineq

Killilersuutit ilaanni piffiit pissutsillu arlaqartut ilanngunneqanngillat. Nalunaarummi taakkua erseqqinnerusumik paasisaqarfigisinnaavatit.

Coronapas 
Illoqarfinni nunaqarfinnilu tamani tunillaassuuffiusuni aamma tuniluunneqartillugu suminngaanneerneralu ilisimaneqanngippat coronapas-eqartoqarnissaanut  – misissuisoqartarnissaanulluunniit periarfissat qanoq ikkaluarpata illoqarfinni nunaqarfinnilu piumasaqaat atuuppoq.

  • Aqqaneq marlunnik ukioqalereersimasut tamarmik kikkunnit tamanit iserfigineqarsinnaasunukarunik coronapas takutittassavaat. Taakkununnga ilaapput imerniartarfiit, neriniartarfiit, kulturikkut illorsuit, il. Il. Nalunaarummi taakkartorneqartut tamarmik takukkit.
  • Malittarisassat aamma atuupput illoqarfigisanni nunaqarfigisanni misissortinnissamut periarfissaqanngiffiusuni. Taakkununnga tunngatillugu kikkut tamarmik iserfigisinnaasaannukarniarunik uppernarsarsinnaavaat akiuussusertissimanissaq imaluunniit coronamik napparsimaqqammisimanissaq.
  • Pineqartuni sulisunut piumasaqaatit atuukkunnaarnerat nutaajuvoq.
  • Atuarfinni, peqqinnissaqarfimmi il.il. coronapasseqarnissaq piumasaqaataanngilaq. Nalunaarummi piumasaqaateqarfigineqartussatut ilanngunneqarsimanngitsut takusinaavatit.

Isersimasinnaatitaasut annerpaamik 50%-iunissaannut piumasaqaat
Illoqarfinni nunaqarfinnilu pineqartuni tunillaassuunnerup suminngaanneernera ilisimaneqanngippat amerlanerpaamik isersimasinnaatitaasut 50%-iinnaassapput.

Qatserisartoqarfinniit malittarisassat naapertorlugit pisortatigoortumik inini isersimasinnaatitaasut amerlanerpaamik isersimasinnaatitaasut affaannerissavaat.

Isersimasut amerlassusissaat eqqaaneqarsimanngippat inummut ataatsimut 4 m2  innersuussutigineqarpoq.

Aqqaneq marlunniik qummut ukiullit qanermut aamma kiinnamikkut assiaquteqartarnissaat
Qanermut assiaqut aamma kiinnamulluunniit assiaqut aqqaneq marluk qaangerlugit ukiullit tamarmik atussavaat kikkunnit tamanit iserfigineqarsinnaasunukarnerminni aamma kikkunnit tamanit ilaaffigineqarsinnaasuni ilaaniarunik.

Pingaartoq
Isersimaffigineqartumik nakkutilliineq coronapas-eqartoqarneranik, qanermut assiaqutit atineqarsimanersut misissuissalluni inuillu isersimasut qanoq amerlatigisut nakkutigalugit imaluunniit inimik nakkutilliisoq malittarisassianik unioqqutitsisunik anisitsisassaaq.

Inimi nakkutigisarni Nakkutilliinissamut najoqqutassat killilersuutillu malinneqarnersut uani link-imi takusinnaavatit.

Una link toorlugu nalunaarut tamakkiisoq atuarsinnaavat.