Ajuusaarnartumik kukkuneq: Inuit misissortinnissamut tunuleriaattut itigartinneqartut – immikkut aaqqiivigineqarnissamut periarfissinneqarsinnaaneq
Kingullermik nutarterneqarpoqNuummi ullumi misissuivimmi matut nalunaaqutaq ataatsimut matuneqarmata, inuit arlaqartut Coronamik misissorneqarnissamut tunuleriaattut itigartinneqarnertik misigaat.
“Inuit arlaqartut misissuivimmut misissortikkiartornermi itigartinneqarsimanerat utoqqatsissutigingaarpara. Nalinginnaasumik suleriuserput tassaavoq, inuit tamarmik nalunaaqutaq ataatsimut takkussimasut misissorneqartarnerat, tamannalu siunissami malinneqarnissaa qulakkeerniarlugu sulissaanga”, Ella Skifte oqarpoq.
Inussivimmi internetsikkut attaviit ajoquteqarnerat peqqutigalugu ullumikkut tunuleriaanneq talliartuaarsimavoq, kukkunertigullu misissuivik matuneqarpoq, naak suli tunuleriiaattoqaraluartoq. Matut matuneqarmata Inussiviup iluani tunuleriaattut 80-iusimapput.
Akiuussuserneqarsimanngitsut aqagu angalasussat timmisartumut ikitinnatik misissorneqaqqaarnissaat pisariaqarpoq, taamaammat oqarasuaatikkut attavigineqarsinnaasumik piareersimasumik utaqqiisaasumik aaqqiissuteqartoqarpoq. Aqagu decembarip 21-ani 2021-mi angalasussat pisariaqartitsisut piareersimasumut sianernikkut immikkut ittumik uppernarsaammik piniarsinnaapput. Utaqqiisaasumik piareersimasumut 20. Decembarimi, nal. 22.00 tungaanut immikkut aaqqiivigineqarnissamik qinnuteqarniartunit attavigineqarsinnaavoq, normumut 590801-mut sianernikkut.