Danmarkimiit Kalaallit Nunaannut angalaniarnermi PCR atorlugu misissuinermi akissutisinissamut utaqqisarnissaq sivisunerusoq
Kingullermik nutarterneqarpoqUlluni makkunani Danmarkimiissinnarlutik Nunatsinnut uterniartut 48 tiimit sioqqullugit PCR-ilu atorlugu misissortittussat nalinginnaasumik Corona-Hotlinemut saaffiginnittartut amerlanerupput. Massakkumuugallartoq pisarnermiit akissutisinissamut utaqqineq sivisuneruvoq. Taamaammat siusinnerusukkut akissutisisarnissaq pinerullugu kaammattuutigaarput sapinngisamik aallarnissaq sioqqutingaatsiarlugu misissortittarnisssaq.
Kaammattuutigaarput aallalinnginnermi tunillatsinnaveersaartarnissaq. Taamaammat misissortereernerup kingorna katersorsimasuni peqataasarnissaq pinaveersimasariaqarpoq.
Tamakkiisumik akiuussusertissimagaanni imaluunniit akiuussusertissimanngikkaanni Danmarkimiit Kalaallit Nunaannut aallalinnginnermi 48 tiimit sioqqullugit PCR atorlugu misissortinnerup pisoqaassuseqarnissaa tunillatsissimannginerullu uppernarsarneqarnissaa piumasaqaataavoq. Angalaniartut tunillatsissimallutik paasineqarunik Kastrup-ip Mittarfianit aallaqqusaanavianngillat.
Danmarkimi PCR atorlugu misissuinermit akissutisinissamut utaqqinerit assigiinngillat. Taamaammat innersuussitigaarput, piffisaqassuseq apeqqutaatillugu, Rigshospitalimi (Napparsimavissuarmi) akiuussusertinniarnissaq
Aallalinnginnermi misissortinnissaq puigorsimagaanni, namminersortuni misissuiveqarfinnut Kastrup-imi Mittarfeqarfiup qanittuiniittuni misissortinnissamut periarfissaqarpoq aamma akissutisinissamut utaqqineq sivikinneruvoq. Taammaattorli maluginiaruk taakkunani misissortinniaruit nammineq akiliisussaagavit.