Qasigiannguani inuit katersuuttarneri pillugit killilersuutit
Kingullermik nutarterneqarpoqQasigiannguani tuniluuttoqangaatsiarnera peqqutaalluni illoqarfik tamakkerlugu katersuuffiusinnaasunik, partiini siulittaasut ataatsimeeqatigeerlugillu illoqarfik tamakkerlugu killilersuiffiulissasoq aalajangerneqarpoq. Juulli nallertinnagu tuniluunnerup unikaallatsinneqarnissaa pinaveersimatinneqarnissaalu siunertaralugu katersuuttarnerit killilersorneqassapput.
Arfininngornermiit ullullu 10-it tulliuttut angullugit tassa katersuuttarnerit pillugit killilersuutit 20. december 2021 ilanngullugu atuutissapput. Piffissami tassani inuit 20 qaangerlugit katersuuteqqusaanngillat. Killilersuutit illup iluani silamilu atuupput. Katersuussimasussat inoqutigiinnut tamarmik ilaagunik killilersuutit atuutinngillat.
Peqqinnissamut Naalakkersuisoq Kirsten Fencker oqarpoq:
”Qasigiannguani tuniluunnerup appartinnissaa innuttaasullu toqqissillutik aarleqquteqaratillu juullisiorsinnaanissaat siunertaralugu sukkanerpaamik iliuuseqapallattoqarnissaa pisariaqarpoq.”
Aammalu nangippoq”Tamatta assigiinngitsutigut Coronamik kalluarneqarpugut. Pissutsit pillugit oqaloqatigiinniartarneq ilaatigooriarluni ilungersunarsisinnaasarpoq. Taamaammat nuannaarutigaara partiini siulittaasut aamma Naalakkersuisut assigiinngitsunik politikkikkut isumaqartaraluarluta ullumikkorpiaq pissutsit eqqarsaatigalugit ajornartorsiutaasut aqunneqarnissaannut sukkasuumik ataatsimoorluta iliuuseqapallassinnaagatta.”