Erseqqissaat: Nuummiit aallalernermi kisimi misissortinnermut – imaluunniit tamakkiisumik akiuussusersimanermut uppernarsaammik piumasaqarneq

Kingullermik nutarterneqarpoq

48 tiimit iluinilu misissortereernerup kingorna piumasaqaatit naapertorlugit illoqarfinni nunaqarfinnilu innuttaasut angalaniartut tamarmik Covid-19-imut misissortinnissamik maannakkoqqissaaq neqeroorfigineqarsinnaanngillat. Massakkuugallartoq Nuummiittut nunatsinni angalaniartut taamaallaat misissortinnissamut misissukkallu inernerinik paasisaqarnissaminnik periarfissaqarput.

Taamaammat angallassisup Nuummiit angalaniartut misissortereersimanersut- imaluunniit tamakkiisumik akiuussusersimanersut kisiisa nakkutigissallugit pisussaaffigaa

Tamakkiisumik akiuussusersimanngitsut tamarmik 12-niit qummut ukiullit aallalernerminni misissortissimanngitsut apuunnerminni mattusimagallassapput.

Meeqqat marluk aamma aqqanillit akornanni ukiullit illoqarfimmiit imaluunniit nunaqarfimmiit sumit aallaaveqartumit ilisimaneqanngitsumik tuniluuffiusumiit aatsaat aallarpata piumasaqaammut tamatumunnga ilaapput.
Mattusimagallarneq tamanna atuuppoq misissortinnermi Covid-19-mut tunillatsissimanngikkaanni imaluunniit tikinnermiit ullut 14-nit qaangiussimappata.
Illoqarfiit aamma nunaqarfiit sumit aallaaveqartumit ilisimaneqanngitsumit tuniluuffiusumiittut uani allaqqapput: https://corona.nun.gl/kl/nunap-ilaani-killilersuinerit/

Nunatsinniit nunanut allanut angalaniartut PCR atorlugu tunillatsissimannginnermut takutitsinissaat suli piumasaqaataavoq, tamanna annerpaamik 48-tiiminik pisoqaassuseqassaaq aamma tamakkiisumik akiuussusersimassaq imaluunniit nunatsinni najugaqarnermut uppernarsaammik takutitsisinnaasariaqassaaq.

Siunissami innuttaasunut tamanut nunap sinneraniittunut allanut 48 tiimit ataallugit pisoqaassuseqartussamik misissuinissamut misissukkallu akissutisinissaannut periarfissaqalissappat, misissortinnissamut piumasaqaat nuna tamakkerlugu atuussinnaassaaq.  Tamanna piaartumik nalunaarutigineqarumaarpoq.

Nalunaarut una toorlugu atuarsinnaavat.