Upernaviup nunaqarfiinut kaammattuut: Ersiuteqalernissaq eqqumaffigisiuk
Kingullermik nutarterneqarpoqNunaqarfimmi Nuussuarmi innuttaasoq ataaseq ullumi covid-19-imik tunillatsissimasoq paasineqarpoq. Pineqartoq Nuussuarmi tunillatsissimassasoq naliliisoqarpoq, inuk angalasuunngimmat aammalu allaniit tunillatsisimasinnaanani. Taamaattumik unnummut najukkami tunillatsissimasunik ujartuineq aallartinneqarpoq, aammalu qanillisimasat kinaassusersineqartarneri malillugit ilisimatinneqartassapput.
Taamaattumik oqartussaasut aammaloorlutik innuttaasunut kaammattuuteqarniarput, ersiutit, soorlu quersornerit, kissarneqarnerit, mamassutsinik malussarsinnaanerit imaluunniit naamasinnaanerit annikillineri eqqumaffigeqqullugit. Ersiuteqalernermi angerlarsimaannartoqassaaq, aammalu najukkami peqqinnissaqarfik imaluunniit corona hotline 801100-imut, ataasinngornermiit tallimanngornermut nal. 8-16-imut ammasartoq attaveqarfigineqassapput. Taamaalilluni nunaqarfinni assigiinngitsuni misissuinissamut pisariaqartitsinermik nalunaarsuisoqassaaq, aammalu suliniutissat pitsaanerpaamik aallunneqarsinnaassapput siunnerfilersorneqarlutillu.
Oqartussaasut innersuussutaat:
Napparsimaguit angerlarsimaannarit.
Errortukulagit assannullu spritsimik atuisarit.
Tallinnut quersortarit tangajortarillu.
Allanik atuinissat killilersoruk – assammiinnerit, ersakkut kunissinerit, eqitaarinerit il.il. pinaveersaakkit.