Nuna tamakkerlugu sumiiffinnut tamanit iserfigineqarsinnaasunut isernissamut maleruagassat
Kingullermik nutarterneqarpoqCoronap nunap sinneranut siaruaannissaa pinngitsoortinniarlugu Naalakkersuisut aalajangiipput, ininut tamanit iserfigineqarsinnaasunut isernissamut killilersuutinik atuutsitsilerniarlutik. Maleruagassat nutaat 6. december 2021-miit 6. marts 2022-mut atuutinneqarallassapput.
Aatsaat tamakkiisumik akiuussutissinneqarsimanermut uppernarsaammik imaluunniit Covid-19-imik tunillatsissimannginnermut uppernarsaammik atuuttumik takutitsisinnaanermi ukununnga isertoqarsinnaavoq.
- Init, inuit tamat iserfigisinnaasaat, aammalu inuit nalinginnaasumik sivikitsumik isersimaffigisinnaanngisaat piumasaqaammut ilaatinneqarput, soorlu:
- Neriniartarfiit, kaffisorniartarfiit, imerniartarfiit, diskotekit assigisaallu.
- Kulturikkut sullissiviit, taakkununngalu ilaatigut kulturip illorsui, filmertarfiit, katersugaasiviit saqqummersitsisarfiillu ilaatinneqarput.
- Innuttaasut illui assigisaallu.
- Atuakkanik atorniartarfiit.
- Illup iluani timersortarfiit – ilaatigut init inersuillu timersortarfiit, naluttarfiit, timigissartarfiit ilaatinneqarput.
- Nujalerisarfiit, tagiartuisarfiit, pinnersaasarfiit assigisaallu.
Ukunani pineqartuni tamakkiissumik akiuussusersimanissamut imaluunniit misissortissimanermut piumasaqaammut piumasaqaatitaqanngillat
- Init taakkulu silataanni nunaminertat, ulluinnarni atugassanik niuertarfittut atorneqartut.
- Allakkeriviit.
- Mittarfiit.
- Pisortani oqartussaasut suliffeqarfiillu pilersuisut iniutaat saaffiginnittunik sullissivigineqartut, saaffiginnittarfiit il.il.
Inuit uku ilaatinneqanngillat:
1) Meeqqat 12-it inorlugit ukiullit.
2) Inuit illoqarfinni nunaqarfinniluunniit ulluni kingullerni 14-ini Covid-19-imik, aallaavii ilisimaneqanngitsumik tuniluuttoqarneranik paasisaqarfiusimanngitsuniittut, aammalu Covid-19-imut misissortinnissamut periarfissaqarfiunngitsuniittut.
corona.nun.gl iserfigalugu “Sumiiffinnut killilersuinerit” ataanni illoqarfiit nunaqarfiillu suut ulluni 14-ini kingullerni aallaaviinik ilisimaneqanngitsunik tunillatsiffiusimanersut allattorneri nutartikkat takusinnaavatit. Piumasaqaat 6. december 2021-mi Nuummut, Upernavimmut (nunaqarfiinullu) aamma Qasigiannguanut atuutilissaaq. Sumiiffiit taakku ulluni 14-ini kingullerni tuniluuffiusimammata.
Eqqaamassavat
Inuk akiuussusersuinermi naammassinninnermini, aammalu tamatuminnga uppernarsaammik takutitsisinnaalernermini Covid-19-imut akiuussusersuinermi naammassinnissimasutut isigineqalertarmat.
Inunnut siornatigut Covid-19-imik tunillatsissimasunut, aamma uppernarsaammik, PCR-imik misissuineq atorlugu Covid-19-imik tunillatsissimanermik takutitsiviusumik takutitsisinnaasunut, piffissarlu atuiffiusoq sivikinnerpaamik ullunik 14-iniit sapaatit akunnerinik 12-inik ungasissuseqarpat, tamakkiisumik akiuussutissinneqarsimasunut maleruagassat atuupput.
Covid-19-imut misissortissimanermut uppernarsaat atuuttoq tassaassaaq PCR-imik misissortinnermi tunillatsissimannginnermut uppernarsaat imaluunniit timip akiuussutissaqarneranut uppernarsaat, peqqinnissaqarfik sinnerlugu misissugassatut tiguneqarsimasoq, aammalu sivisunerpaamik nal. ak. 48-nik pisoqaassusilik.
Ilaatigut politiinut, peqqinnissaqarfimmut aamma Issittumi Sakkutooqarfimmut atuutsitsinngitsoqarpoq.