Ullumi USK-mi akiuussuserneqarit!
Kingullermik nutarterneqarpoqUllumi Nuummi USK-p eqaarsaarfiani nal. Tallimat tungaanut akiuussusersuisoqarpoq, innuttaasut 12-ileereersimasut tamarmik akiuussuserneqarsinnaallutik. Aamma naartusut 2.-3. trinmesterimut killittut kiisalu milutsitsisut ilaapput.
Ullumikkut akiuussusersuineq nal. 9.30-miit aallartippoq, ullup qeqqarneranilu takuneqarsinnaalerpoq innuttaasut 100-rujuunnaat kapitissimasut.
”Aammaarluta kaammattuutigeqqissavarput innuttaassut akiuussuserneqaqqullugit. Takoreerparpummi tuniluunnerit akiuussuserneqarsimanngitsut akornanni sukkasuupilussuarmik pisartut. Akiuussutissaq iluaqutaavoq, tuniluunnernut siammatsaaliisarpoq, taamaasillunilu akiuussuserneqarsimasutut tunillatsaaleeqataassaatit, Covid-19-imillu tunillatsissagaluaraannilu, akiuussuserneqarsimasutut sakkukinneerarsuarmik napparsimasaatit”, nunatta nakorsaanera Henrik L. Hansen taama oqarpoq.
Ullumikkut akiuussusersuineq nal. Tallimat tungaanut ingerlanneqassaaq.