Kapitissimanissamut piumasaqaat eqqugaanerpaasunut atuutiinnassaaq
Kingullermik nutarterneqarpoqKapitissimanissamut piumasaqaat, 5. aggustimi nuna tamakkerlugu atuutsinneqalersoq marlunngornermut unnuaani atorunnaassaaq. Siunissami kapitissimanissamut piumasaqaat taamaallaat nunatsinni Covid-19-imik eqqugaanerpaasuni atuutsinneqartassaaq.
Suli illoqarfinni Aasianni, Sisimiuni Upernavimmilu, kiisalu sumiiffinni qanitaaniittuni innuttaasut neriniartarfiliassagunik, imerniartarfiliassagunik timersoriassagunilluunniit kapitissimasussaapput.
Naalakkersuisut illoqarfinnut nunaqarfinnullu tuniluuffiusunut killilersuutaagallartut pillugit nalunaarummut pioreersunut tapiliussiniarlutik aalajangernerisa kingorna allannguut taanna oktobarip ulluisa 31-anuugallaq atuutissaaq.
Maannamut pisimasutut uppernarsaateqarnissaq piumasaqaataanngilaq, kisiannili politiit misissuisinnaapput. Kapitissimanissamut piumasaqaat siullermik aggustip ulluisa tallimaanni atuutilermalli, politiit 12-eriarlutik neriniartarfinniittunut kapitissimanngitsunut 3000 koruuninik akiligassanngortitsisarsimapput.