Sisimiuni imigassap inerteqqutaanera pingasunngorneq ilanngullugu sivitsorneqarpoq
Kingullermik nutarterneqarpoqNaalakkersuisut Sisimiuni, Itillimi Sarfannguanilu imigassap inerteqqutaanera pingasunngorneq 18. august 2021 ilanngullugu sivitsorniarlugu aalajangerput.
Qeqqata Kommuniata kissaateqarnera tunngavigalugu sapaatit akunneranni kingullermi Sisimiuni, Itillimi Sarfannguanilu imigassaq inerteqqutaalerpoq. Tamatuma kingorna kommunip oqaloqatigineqarnera ingerlalluarpoq, tamannalu tunngavigalugu inerteqquteqarneq pingasunngorneq ilanngullugu sivitsorneqarpoq.
Piffissami imigassap inerteqqutaaffiani tunillatsissimasunik ujarlernermi suleqatigiit peqqinnissaqarfiullu suliassarpassuit saaffiginnissuterpassuillu ikilisinniarlugit piffissaq sulinissamut pisariaqartitartik atorsinnaasimavaat – maannalu suliat tamakkiisumik inissinneqarnissaannut eqqissisimatinneqaqqissinnaalerput.
Sisimiuni killilersuinerit allat, soorlu katerinnernut inuillu tamat ornittagaanni kapitissimanissamut piumasaqaateqarneq suli atuutissapput, aammalu peqqissutsimik suliallit innersuussutaasa malinneqarnissaat sakkortunerpaamik inassutigineqarpoq.