Sisimiuni imigassaq matuvoq

Kingullermik nutarterneqarpoq

Sisimiuni nunaqarfiinilu marlunni, Sarfannguani Itillimilu imigassanik tuniniaanerit sassaallernerillu tamarmik erniinaartumik matuneqarput. Qeqqata Kommunianit imigassanik tuniniaanerup unitsinneqarnissaa kissaatigineqarmat, Inatsisartuni partiit siulittaasui isumasioqatigereerlugit Naalakkersuisut taamatut aalajangiipput.

Maannarpiaq Sisimiuni Corona tuniluuppoq, tuniluunnermillu paasiniaanerup annertuumik ingerlanneqarnerani imigassamik matusigallarneq pissaaq.

Imigassanik tuniniaanernik matusineq ataasinngorneq aggustip 16-ia ilanngullugu atuutissaaq.