Sapaatiummamiit tunillatsissimasut arlallik – tunillaaffiusut nutaat

Kingullermik nutarterneqarpoq

Sisimiuni sapaatiummat aammalu ataasinngormat tunillatsissimasut nutaat katillugit arfineq-sisamat paasineqarput, taamaasillunilu illoqarfimmi tunillatsissimasut katillugit 37-inngorlutik. Taakkua saniatigut Kommuneqarfik Sermersuumi tunillatsissimasut marluk paasineqarput.

Ukunaniissimaguit ersiutit immikkut maluginiassavatit

Inuit qanimut attaveqarneratigut tunillaanneq pisarpoq. Tunillatsissimasut kingulliit, tunillatsissimallutik suli paasitinnagu sumiiffinni arlalinni najuussimapput, katersuuffiusuniissimallutik. Taammaammat ersiutit immikkut maluginiaqquneqarput sumiiffinni taagorneqartuni najuussimagaanni;

Nuummi

·       Klub Qinngorput (Angajulliit), Nuuk 4. – 6. August

·       GL259 Sisimiut – Nuuk, 1. august

·       Pisiffik Qinngorput: Tunillatsissimasoq aggustip 4-niit 6-iata tungaanut sulisimavoq.

Sisimiut

·       Sisimiuni Utoqqaat Illuanni: Tunillatsissimasoq aggustip aappaani pingajuanilu sulisimavoq.

·       Pub Raaja: Tunillatsissimasoq ulluni ukunani: juulip 31-ani (nal. 02.00 05.00), Aggustip aallaqaataani (24.00 – 01.30) kiisalu 3. – 4. august, sulisimanngikkuni najuussimavoq.

·       Imerniartarfik Starlight: Tunillatsissimasut ikinnerpaamik sisamat najuussimapput.

·       Ilisineq: Tunillatsissimasut oqaluffimmi najuussimavoq kingusinnerusukkullu kaffillernermi aamma najuussimalluni. Tamanna aggustip pingajuni pivoq.

·       Meeqqerivik Sikkersoq: Tunillatsissimasoq tallimanngornermi aggustip arfernani meeqqerivimmiissimavoq.

·       Taxa: Taxartitsisut arlallik tunillatsissimapput. 

·       Royal Greenland: Tunillatsissimasoq juulip 30-ani aggustillu aappaani sulisimavoq.

·       Nangigiarfiit: Tunillatsissimasoq juuli 31-ani aggustillu tallimaata nalaanni nangigiarfinni arlalinni peqataasimavoq, nangigiarfinni peqataasimasut arlallik kikkuuneri suli paasineqanngillat.

·       Meeqqerivik Naja Aleqa: Tunillatsissimasoq qitornani aasarsimavaa.

·       Ulloq unnuarlu paaqqinnittarfik Isikkivik: Tassani tunillatsissimasut arlaqarput.

Paasissutissat corona.gl-mi nassaarikkit

Innuttaasut peqqissaavinnut sianinnginnerminni nittartagaq corona.gl -mut paasissutissanik misissuiffigeqqaassagaat kaammattuutigineqarpoq. Paasissutissat arlallit nittartakkami nassaarineqarsinnaammata.