Tunillatsissimasut marluk nutaat, tamarmik immikkut tunilluuffiusuneersut
Kingullermik nutarterneqarpoqNuummi tunillatsissimasut marlunnik ilasimasut kisitsisit kingulliit takutippaat. Tunillatsissimasut tamarmik juulip 19-iani misissuinermi nassaarineqarput.
Tunillatsissimasut immikkut tunilluuffiusuneerput. Siulleq tunillaassuunnerit ilisimaneqareersunit pivoq, aappaali sumit tunillanneqarsimanersoq ilisimaneqanngilaq. Tunillaassuunnerit ilisimaneqartut pineqartillugit, tunillatsittut suminngaanniit tunillatsissimanersut ilisimaneqarnerannik isumaqartarpoq.
Tunillatsissimasut tamarmik angerlarsimallutik mattusimapput, tuniluunnerlu suminngaanneernersoq paasiniarneqaleruttorpoq.
Tunillatsissimanerit kingulliit takutippaa Nuummi tunillaassuunnerit assigiinngitsut sisamaasut.
Tunilatsissimanerit kingulliit ilanngullugit Nunatsinni coronavirusimik tunillatsissimasut nalunaarsorneqarsimasut maanna 83-iussiulerput, kisitsimmi ullumikkut napparsimasut peqqissereersimasullu ilaapput.