Tunillatsissimasut arfineq-pingasut – Nuummi arfineq-marluk Narsami ataaseq

Kingullermik nutarterneqarpoq

Nuummi tunillatsittut sisamanik ilaqqittut arfininngorneq unnugaa paasineqarput, taakkulu sapaammi pingasunik ilaqqipput. Taamaasilluni Nuummi tunillatsissimasut katillugit quliulerlutik. Tunillatsittoq ataaseq tunilluunnerit ilisimaneqartuninngaanniinngillaq, tunillatsissimasut pingasut allat suminngaanniit tunillatsissimanersut paasiniarneqaleruttorpoq. Tamanna Nuummi tunillaassuuttoqarneranik takussusiivoq.

Erseqqissaaneq: Innuttaasut sumiiffinni taaneqartuniissimasut angerlarsimaannartariaqanngillat, kisianni misissortinnissaat kaammattuutigineqarluni.

Inuit qulit tunillanneqarsimasut angerlarsimaannarput. Nuummi tunilatsissimasut ilaat tunilatsissimanertik suli ilisimalersinnagu illoqarfimmi angalaarsimapput.

Juulip qulinganiit juulip 17-ia ilanngullugu piffinni taaneqartuni najuussimassimasut misissortinnissaat kaammattuutigineqarpoq:

  • Brugseni Nathalies, Nuussuaq
  • Pisiffik Qinngorput
  • FitnessGL, sullorsuup eqqaaniittoq
  • Neriniartarfik IGGU
  • Imerniartarfik AURUM
  • Cafeteriat Igaffik (10/7 aamma 12/7)

Aamma innuttaasut juulip 12-iani Kangaamiuniissimasut misissortinnissaat kaammattuutigineqarpoq, tunillatsissimasut ilaat piffissami taaneqartumi Kangaamiuniissimammat.

Ersiutillit tamarmik misissortikkiartornissaat kaammattuutigineqarpoq, taavalu angerlarsimaannaqqusaanertik attatiinnassagaat, tunillatsissimanngermik uppernarsaammik pinissaasa tungaanut.

Misissortissaguit
Nuummi Misissuivik aqagu ataasinngornermi juulip 19-ianiit arfininngorneq juulip 24-ata tungaanut nal. 12.30-miit – 14.00 tungaanut ammasassaaq. Piffissamik inniminniisoqartariaqanngilaq.

Aamma Kangaamiuni marlunngorpat juulip 20-ani misissortittoqarsinnaavoq, ulloq taanna aamma akiuussutissanik kapuuisoqarumaarpoq.

Tunilatsissimasunut qanimut attaveqartut
Tunillatsissimasumut qanimut attaveqarsimagaanni ullut arfineq-marluk angerlarsimaannassapput. Taava ullut arfineq-aappassaanni PCR atorlugu misissorteqqissapput, tunillatsissimanngikkaanni angerlarsimaannaqqusaaneq atorunnaarsinnaavoq. Angerlarsimaannarnermi misissortinnissaq innersuussutigaarput. Ima paasillugu: Misissortinneq ullut arfineq-aappassaani misissortinnginnermi. Tunillatsissimanngikkaluaraanniluunniit suli angerlarsimaannassaatit.

Tunillatsisimasumik qanimut attaveqarsimasut tamarmik ulluni 14-ini Covid-19-ip ersiutaanik immikkut nakkutiginnissapput.

Tunilatsissimasut amerlassusii
Kalaallit Nunaanni covid-19-imik tunillatsissimasut sumiinneri ima isikkoqarpoq:

  • Qaqortoq: 6
  • Nuuk: 10
  • Ilulissat: 1
  • Sisimiut: 5
  • Narsaq: 2
  • Narsarsuaq: 4

Eqqaamallugu
Innuttaasut tamarmik ersiutit immikkut eqqummaariffigissagaat kiisalu nalinginnaasumik innersuussutit malissagaat kaammattorneqarput. Qanillinaveersaarneq, assaat asakulanissaat, taliup peqittarfianut tangajortarnerit kiisalu covid-19-imik ersiuteqartilluni imaluunniit tunillatsissimasumik attaveqarsimagaanni angerlarsimaannarnissaq misissortinnissarlu kaammattuutigineqarlutik.