Sarfaq Ittummi tunillatsittoqarsimaneranik pasitsaassineq

Sinersortaammi Sarfaq Ittummi ilaasut sisamat, ippassaq Qaqortumiit aallartut napparsimanermik ersiuteqalersimapput.

Ilaasut katillugit 26-t ullumi Paamiuni niusimapput, niusut misilitsinnissaasa tungaanut Paamiuni angerlarsimaannaqquneqarput.

Sarfaq Ittuk aqagu Nuummut tikissaaq. Tassani ilaasut sinneri misissorneqarnissaasa tungaanut angerlarsimaannartussaassapput. Sinersortaammi ilaasut sulisullu aqagu tallimanngorpat nal. 10.30 misissorneqarnissaannut oqartussat piareersimapput.