Tunillatsisimasut 13-it: Coronartoqarnera peqqutigalugu killilersuinerit nutaat ullumimiit atuutilersut
Kingullermik nutarterneqarpoqUlluni kingullerni nunatsinni sumiiffinni assigiinngitsuni tunillatsittoqareersorlu killilersuinerit nutaat arlaqartut Naalakkersuisuniit atuutilersinneqarput, killilersuinerit inuiaqatigiit akornanni tunillaassuutoqarneranut akiuiniarnerupput.
Killilersuinerit ingerlaannartumik atuutilersinneqartut tassaapput:
- Katersuunnerit inuit 20-nik amerlanerussanngillat
- Inuit inimut qatserisartoqarfinni oqartussaasunit akuerineqarsimasumut isersinnaatitaasut amerlanerpaaffissaasa affaannaat isersimaqqusaapput. Kisianni amerlanerpaamik inuit 20-t isersimaqqusaapput. (20-innarnik isersimasoqarsinnaanermut niuertarfiit killilersuinermi pineqanngillat)
- Init kikkunit tamanit iserfigineqarsinnaasuni isissagaanni qanermut assiaqutit atorneqassapput
- Angallassissutini issiaffiusinnaasut sinnerlugit ilaasoqaqqusaanngillat, aamma angallassissutini angalasut tamarmik qanermut assiaquteqassapput.
Killilersuinerit nutaat tallimanngornermut juulip 16-iata tungaanut atuukkallarput.