192-it akiuussuserneqarsimanermut uppernarsaatinik pissarsineq ajulertut
Kingullermik nutarterneqarpoqInnuttaasut 192-it marsimi akiuussuserneqarsimasut qallunaat nunaanni akiuussuserneqarsimanermut uppernarsaataannik pissarsiniarneq ajornartorsiutigisinnaavaat.
Tassani patsisaasoq tassaavoq siullermik aappassaanillu akiuussuserneqarnerat ullunik 18-iinnarnik nikinganerat. Akiuussutissaliortut ilitsersuutaanni ullut 18-iunissaat malinneqarsimavoq, akiuussutissarlu tamakkiisumik sunniuteqarluni.
Taamaattorli Europami peqqissutsimut oqartussat piumasaqaatigaat, akiuussutissamik kapitinnerit marluusut ullunik 19-inik nikingassasut, taamaalillunilu akiuussuserneqarsimanermut uppernarsaammik pissarsinissamut akuerineqarsinnaanani. Akiuussuserneqarsimanermilu Nunatsinnut tikinnermi angerlarsimaannaqqaartariaqannginneq suli periarfissaatinneqassaaq.
Akiuussuserneqarsimasut pineqartut Maniitsumi 190-it, Aasiaanni ataaseq aamma Sisimiuni ataaseq akiuussuserneqarsimapput.