Eqikkaaneq

Nuummi meeqqanik paaqqinniffiit marluk, Coronamik tuniluuttoqarnera peqqutigalugu matoqqasut suli matoqqagallassapput.

Ulluunerani paaqqinnittarfik kattussiviusoq Timmiaaqqat, ataasinngormat sulisup ataatsip meeqqallu ataatsip tunillatsissimanerat paasineqarmalli matuneqartoq siusinnerpaamik marlunngornermi 14. septembarimi ammaqqissaaq. Aamma sunngiffimmi ornittagaq AKO Narsarmiutaq matoqqagallassaaq. Meeqqat sulisullu misissorneqarnerini ornittakkami qanoq tuniluuttoqarsimatiginersoq paasineqarpat ammaaqqinnissaq Nakorsaaneqarfimmit naliliiffigineqassaaq.

Aamma pingasunngornermi USK-imi atuartoq alla tunillatsissimasoq paasineqarpoq. Atuartup atuaqatai angerlarsimasussanngorlutik misissortittussanngorlutillu angerlartinneqarput