Eqikkaaneq

Nuummi tunillatsissimasut 17-it: Paaqqinnittarfiit amerlasuut eqqorneqarput

Nuummi Coronavirusimik tunillatsissimasut 17-iupput. Taakkunannga 12-it meeraapput aammalu tallimat inersimasuupput, meeqqanut tunillatsissimasunut angajoqqaajusut.

• Ulluunerani paaqqinnittarfimmi kattussiviusumi Timmiaaqqat-ni meeqqat akornanni tunillatsissimasut nutaat arlallit nassaarineqarput. Taamaattumik paaqqinnittarfik suli matoqqagallassaaq.
• USK-imi atuartoq ataaseq Coronavirusimik tunillatsissimavoq. Atuartup atuaqatai angerlartinneqarput, aammalu angajoqqaat kaammattorneqarput meeqqatik misissorteqqullugit. Atuartoq tunillatsissimasoq napparsimanngilaq ersiuteqaraniluunniit.
• Aamma atuartup tunillatsissimasup sunngiffimmi ornittagaq AKO Narsarmiutaq ornittarpaa. Taamaattumik Narsarmiutaq aamma ullumi matoqqagallarpoq, aammalu angajoqqaat kaammattorneqarput meeqqatik misissorteqqullugit.
• Tunillatsissimasoq 5. septembarimi nal. 15-16 missaani Nuup Timersortarfiata eqqaani Tivoli-miissimavoq.

Ilaqutariit eqqugaasut toqqaannartumik nalunaarfigineqassapput, kisiannili namminneq imaluunniit meeqqatik tunillatsissimasunut attaveqarsimassasut pasitsaassisut tamarmik pilertornerpaamik misissorteqqullugit kaammattorneqarput. Misissuivik ullumi nal. 14-ip tungaanut ammassaaq.