Sullissivik.gl aqqutigalugu qinnuteqartarfiit peerneqalerput
Kingullermik nutarterneqarpoqSullissivik.gl aqqutigalugu Covid-19-mut tunillatsissimanermut uppernarsaammik, coronapas-mik, aammalu coronapas aaqqitsinnissaanut qinnuteqartarfiit peerneqalerput.
Nittartakkami www.sullissivik.gl aqqutigalugu tunillatsissimanermut uppernarsaatinik, coronapas-mik aammalu coronapas aaqqitsinnissaanut qinnuteqartarfiit 1. oktober 2022 aallarnerfigalugu peerneqalerput.
Nunanut allanut angalassaguit innersuussutigissavarput nittartagaq www.um.dk iserfigalugu nunap tikitassavit Covid-19-mut tunngasunik qanoq killilersuuteqarnera aammalu piumasaqaateqarnera misissulaassagit.
Massakkumut nunat amerlanerpaat Covid-19-mut tunngasut killilersuutit aammalu piumasaqaatit atorunnaarsinnikuaat.
Nunap tikitassavit Covid-19 peqqutigalugu tikinnermi akiuussutissamik kapitissimanermut uppernarsaatinik takutitsisoqarnissaa piumasarippagu aammalu coronapas-it iluarsisassaappat, corona-p allattoqarfia una mail-eq allaffigalugu attavigisinnaavat corona@nanoq.gl.
Uani eqqumaffigiuk saaffiginnileruit atitit, inuiit, oqarasuaatippit normua aammalu suna saaffiginnissutiginerlugu allannissaa.
Maana ilanngullugu ilisimatitsissutigissavarput illit nammineerlutit Covid-19-mut akiuussutissanik kapitissimanermut uppernarsaatitit nammineerlutit nittartagaq www.sundhed.dk aqqutigalugu aariarlugit anillatsissinnaagakkit.