Misissuivik kalaalliaraanikumut uteqqippoq

Kingullermik nutarterneqarpoq

Inussivimmi misissuisarneq unippoq, kalaaliaraanikumullu Brugsenip eqqaanut uteqqilluni. Nuunneqarneranut atatillugu marlunngornermi februaarip 15-iani misissuivik matoqqassaaq. Pingasunngorpallu februaarip 16-iani misissuisarfik kalaaliaraanikumi Brugsenip eqqaani ammassalluni.

Nutsertoqarnerani atatillugu misissuisarfiup ammasarfii aamma allanngortinneqassapput: pingasunngornermiit februaarip 16-ianiit ammasarfiit imaalissapput:

  • PCR-imik misissuineq: Ataasinngornermiit-tallimanngornermut nal. 08.00-miit 11.00-p tungaanut
  • Kviktesterutissanik agguaaneq: Ataasinngornermiit-tallimanngornermut nal. 09.00-miit 15.00-p tungaanut
  • Akissutissamik paasiniaaniarluni sianerfissaq: ulluinnarni nal. 11.00-miit 12.00-p tungaanut

Misissuisarfik sapaatit akunnerisa naaneranni matoqqasassaaq.