12. januaarimiit Sisimiuni Aasiannilu killilersuineq

Kingullermik nutarterneqarpoq

Sisimiuni Aasiannilu tuniluunnerup suminngaanneerneranik ilisimaneqanngitsoq paasineqarpoq, taamaattumillu killilersuisoqalerpoq.

Illoqarfinni nunaqarfinnilu killilersuigallarnerit pillugit nalunaarummi 4. januar 2022-mi atuutilersoq naapertorlugu Sisimiuni Aasiannilu killilersuutit maanna atuutilerput. Killilersuutit  12. januar 2022 unnuaani nal. 06.00-imiit atuutilissapput tunillaassuunnerullu uninnissaata tungaanut imaluunniit tunillaassuunnerup suminngaanneernerata ilisimaneqalernissaata tungaanut atuukkallassallutik.

Illoqarfinni nunaqarfinnilu covid-19-imik tuniluuffiusuni tuniluunnerullu suminngaanneerneranik ilisimaneqanngiffiusuni qanermut imaluunniit kiinnamut assiaquteqarnissamut, coronapas-eqarnissamut aamma amerlanerpaaffissanut piumasaqaatit

Killilersuutit pingasut Sisimiuni Aasiannilu imaattut atuutilerput:

  • Coronamut tunngatillugu uppernarsaat akuerisaasoq
  • Tamanit iserneqarsinnaasut init isersimasorisinnaasaat killilerneqassapput
  • Qanermut assiaqut imaluunniit kiinnamut assiaqut

Coronamut tunngatillugu uppernarsaatip piginissaanut piumasaqaat

Illoqarfinni nunaqarfinnilu misissuinissamut periarfissat qanoq ikkaluarpata coronapas-eqartoqarnissaanut  piumasaqaat atuuppoq.

  • Kikkut tamarmik aqqaneq marlunniik qummut ukiullit ininut kikkunnit tamanit iserfigineqarsinnaasunukarunik covid-19-imut akiuussusersimaneq,  siusinnerusukkut tunillatsissimaneq imaluunniit covid-19-mut misissorneqarsimaneq akuerisaasoq takutissavaat. Taakkununnga ilaapput imerniartarfiit, neriniartarfiit, kulturikkut illorsuit, il. Il. Nalunaarummi taakkartorneqartut tamarmik takukkit.
  • Malittarisassat aamma atuupput illoqarfigisanni nunaqarfigisanni misissortinnissamut periarfissaqanngiffiusuni. Taakkununnga tunngatillugu kikkut tamarmik iserfigisinnaasaannukarniarunik uppernarsarsinnaavaat akiuussusertissimanissaq imaluunniit coronamik napparsimaqqammisimanissaq.
  •  Pineqartuni sulisunut piumasaqaatit atuukkunnaarnerat nutaajuvoq.
  • Atuarfinni, peqqinnissaqarfimmi il.il. coronamut tunngatillugu akuerisaasumik uppernarsaammik takutitsisoqaqqaartarnissaa piumasaqaataanngilaq. Nalunaarummi piumasaqaateqarfigineqartussatut ilanngunneqarsimanngitsut takukkit.

Tamanit iserfigineqarsinnaasuni isersimasinnaasut amerlassusissaat

Killilersuutit ilagaat illoqarfinni nunaqarfinnilu pineqartuni tunillaassuunnerup suminngaanneernera ilisimaneqanngippat amerlanerpaamik isersimasinnaatitaasut 50%-iinnaassapput.

Imaappoq, qatserisartoqarfinniit malittarisassat naapertorlugit pisortatigoortumik inini amerlanerpaamik isersimasinnaatitaasut affaannerissavaat.

Isersimasut amerlassusissaat eqqaaneqarsimanngippat inummut ataatsimut 4 m2  innersuussutigineqarpoq.

Qanermut assiaqut imaluunniit kiinnamut assiaqut

Aqqaneq marlunnik sinnerlugilluunniit ukiullit tamarmik kikkunnit tamanit iserfigineqarsinnaasunukarnerminni aamma kikkunnit tamanit ilaaffigineqarsinnaasuni ilaaniarunik Qanermut assiaqut imaluunniit kiinnamut assiaqut atussavaat . Tassa imaappoq oqaluffinni pisiniarfinnilu atorneqarnissaat aamma piumasaqaataavoq.

Piumasaqaatinili makkua ilanngunneqarsimanngillat:

  • Qanermut imaluunniit kiinnamut assiaquteqarnissamut piumasaqaat ilisimassutsimik annikillisimasunut, timikkut tarnikkulluunniit sanngiitsunut, allamilluunniit peqquteqarlutik qanermut kiinnamulluunniit assiaquteqarsinnaanngitsunut atuutinngilaq.
  • Pisiniarfinni kiffartuussivinnilu sulisut qanermut kiinnamulluunniit assiaqutit atunngikkaluarlugit pisiniat sulisullu akornanni plastikimik assiaqutit atorsinnaavaat.
  • Qanermut kiinnamulluunniit assiaqutit tamakkiisumik ilaannakortumilluunniit peeqqaneqarallarsinnaapput, assersuutigalugu:
    • Nerinermi imernermilu
    • Nakorsaatitornermi.
    • Qarngit aalaneratigut atuaasartumik oqaloqateqarnermi.
    • Qanermut kiinnamulluunniit assiaqutit anersaartorniarnermut ajoqutaappata ipianngulersitsippataluunniit.
    • Politiit kinaassutsimik uppernarsaaneranni.
    • Timersornermi

Suliffeqarfit pisinianik aamma pulaartunik killilersuutit qanoq malinneqarnissaanut ilitsersuut atuarsinnaavat. Ilitsersuut una toorlugu iserfigisinnaavat.

Una toorlugu nalunaarut atuarsinnaavat.