Tunillatsippit imaluunniit tunillatsinngilatit? SMS-ikkut akissutisissaatit
Kingullermik nutarterneqarpoqTunillatsissimaguit tunillatsissimanngikkuilluunnit maannamiit misissortinnerit SMS-ikkut akissutisisalissaatit. Aamma nammineq qanillisimasatit attaviginissaat akisussaaffigilissavat.
Piaarnerpaamik akissutisinissat qulakkeerniarlugu tunillatsissimanermut nalunaartarnerup suleriaasia allanngortinneqarpoq. Tamatuma saniatigut tunillatsissimasoq qanillisimasani attaviginissai aamma akisussaaffigilerpai.
SMS-ikkut misissortissimanermut akissutisisarneq
Tunillatsissimaguit Coronamik Akiuinermiit imaluunniit Peqqinnissaqarfimmiit suli sianerfigineqartassaatit. Tunillatsissimagaanni tunillatsissimanngikkaanniluunniit periuseq nutaaq unaavoq siunissami misissortinnerup akissutaa SMS-ikkut pisalernissaa.
Tunillatsissimanermut akissut
SMS-ikkut tunillatsissimallutit nalunaarfigineqaruit imaaliortariarputit:
– Erngertumik mattutissaatit
– Qanillisimasatit attavigikkit
– Peqqinnissaqarfimmiit / Coronamik Akiuinermiit sianerfigineqarnissat utaqqiuk
Maleruagassat nutaat malillugit misissortinnermut, qanillisimasanut aamma mattusimanissamut corona.nun.gl-imi nutarterneqaleruttorput. Allannguutit ilinnut attuumassuteqarnersut maluginiakkit.