Nuummi misissortissimanermut akissutit: Akissutisinissami eqqumaffigisassat ataaniipput
Kingullermik nutarterneqarpoqUllormut marloriarluni akissutinik nassiussisoqartarpoq, ullaakkut aamma ualikkut.
Ataasiakkaatigut atortorissaarutitigut ajornartorsiuteqarneq peqqutaalluni kinguaattoornerit pisinnaasarput.
Missuinermi covid-19-imik tunillatsissimasutut paasisaqartoqarpat sianerfigitinneq 48 tiimit ingerlanerani utaqqineqarsinnaasoq naatsorsuutigineqassaaq.
Inunnut misissortikkiartorsimasunut tamanut sakkortuumik kaammattuutigissavarput akissutisinissap tungaanut inunnik naapitaqannginnissaq.
Akiuussusertissimanngikkaanni angalaniaraannilu angalanissaq nallerpallaartinnagu akissutiserusukkaanni innersuussutigineqarpoq piffissaq sioqqutillugu misissortissimanissaq.
Misissuivimmiittaaq naammattuugassaasarput matoreeraluartorluunniit misissortikkiartortunut tunuleriaanut pisartut – taamaattumillu kaammattuutigisarparput nalinginnaasumik ammanerani takkuteqqullugit.
Taamaattumik kikkut tamaasa kaammattorpagut corona.nun.gl aqqutigalugu ammasarfiit malinnaavigeqqullugit.
Nalliuttuni ammasarfiit
Ukioq kingullertulli misissuivik nalliuttuni (juullikkunni) ulluni makkunani matoqqassaaq: 24., 25., 31., dec. aamma 1. januar.
Angalaniartunut imalunniit ersiuteqartunut 26. dec. nal. 10.00-imiit 12.00-ip tungaanut Inussivimmi misissuivik ammassaaq, Aamma 6. Januar 08.00 – 12.00 tungaanut ammassaaq.
Akiuussuserneqarsimanngitsut Nuummiit angalasussat ulluni taakkunani misissortissinnaanngillat, taamaammat tikereernerup kingorna, misissortereernermilu akissut negativiusoq pissarsiarinissaata tungaanut mattusimasariaqassallutik.
Napparsimalernermi soorlu assersuutigalugu anersaartorniarnikkut ajornartorsiornermi, kissarneqarnermi aamma iluaalliornermi pisarnertut peqqinnissaqarfiup pinasuartumik oqarasuaataanut 344400-mut sianertoqarsinnaavoq.