Nuummi tunillatsissimasut nutaat 14-it: Amerlasuut tunillatsissimasinnaapput

Ullup unnuallu kingulliup ingerlanerani Nuummi Coronavirusimik tunillatsissimasut 14-it nassaarineqarput. Tunillatsissimasut amerlanersaat ilisimaneqareersunit tunillatsissimapput, kisiannili aamma aallaaviinik ilisimaneqanngitsunik peqarpoq. Ulluni kingullerni pisutut tunillatsissimasut meeraannaajunnaarput. Maanna tunillatsissimasut affaat inersimasuupput.

Tunillatsissimasunit arlallit sapaatit akunneranni kingullermi Nuummi angalaarsimapput, taamaattumillu allanik tunillaasimasinnaallutik.

Piffissani ukunani sumiiffinni ukunaniissimaguit misissortissaatit.

Pingasunngorneq, ulloq 8. septembari.

  • Nuussuup Timersortarfiani isikkamik arsartuni, nal. 15.00-imiit 16.00-imut

Sisamanngorneq, ulloq 9. septembari

  • Nuummi Fitness.gl-imi, nal. 15.00-imiit 17.00-imut
  • Arsaattarfimmi suliffeqarfiit isikkamik arsarnerini, nal. 18.30-imiit 20.00-imut

Tallimanngorneq, ulloq 10, septembari

  • Pascucci, 15.00-imiit 16.00-imut aamma 23.00 – 24.00
  • Killut, nal. 19.30-miit 20.30-mut
  • Maximut, nal.  20.30-miit 21.00-imut
  • Tuttu, nal. 21.00-miit 22.00-imut
  • Kirstinemut, nl.  22.00 – 23.00 aamma 01.00 til 03.00
  • Skyline, nal.  00.00 – 01.00
  • Daddy’s, nal.  01.00-imiit 04.00-imut

Qanillineqarsimasut toqqaannartumik attaveqarfigineqareerput aammalu ullumi misissortittussaallutik. Inuit sumiiffinni taaneqartuniissimasut ullumi aqaguluunniit misissorteqqullugit kaammattorneqarput.

Ullumikkut marlunngornermi septembari 14-ani Nuummi Misissuivik 16:00 tungaanut ammassaaq.