Corona Maniitsumi Peqqissaavimmik matusititsisoq
Kingullermik nutarterneqarpoqManiitsup Peqqissaaviani sulisup ataatsip tunillatsinnerata kingunerisaanik, maanna peruluttuunngitsut saaffiginnittarneri matoqqatinneqarput. Maannarpiaq inuk ataaseq tunillatsissimasoq paasineqarpoq, kisiannili sulisut sinneri qanitaammata peqqissaaviup ammatinneqarnissaa ajornarpoq. Sulisut misissugassanik tigooqqaavigineqareerput, taakkulu inerneri pigineqaleriarpata peqqissaavik saaffiginninnernut nalinginnaasunut peruluttuunngitsunullu ammaqqinneqarsinnaanersoq peqqissaavimmi aqutsisut naliliiffigissavaat.
Inuk tunillatsissimasoq Maniitsumi tunillatsissimassasoq ilimagineqarpoq.
Oqaatigineqareersutut Maniitsumi peqqissaavik saaffiginninnernut nalinginnaasunut peruluttuunngitsunullu matoqqavoq. Peruluttoqarnerani suli 81 32 11-mut sianertoqarsinnaavoq.