Timmiaaqqat Corona peqqutaalluni matoqqassaaq
Kingullermik nutarterneqarpoqNuummi ulluunerani paaqqinnittarfimmi kattussiviusumi Timmiaaqqat-ni meeraq ataaseq sulisorlu ataaseq Covid-19-imik tunillatsissimasut paasineqarpoq. Tamanna pissutigalugu paaqqinnittarfik aqagu marlunngornermi 7. septembarimi matoqqassaaq. Maanna meeqqat paaqqinnittarfimmilu sulisut tamarmik Coronavirusimut misissorteqqullugit kaammattorneqarput. Timmiaaqqat-ni sulisunit angajoqqaat tamarmik sianerfigineqassapput, aammalu ilaqutariit qanigisaasut marlunngornermi Corona pillugu Allattoqarfimmit toqqaannartumik attaveqarfigineqassapput.
Aqagu misissuinerup inerneri pigineqaleriarpara Kommuneqarfik Sermersuumi Meeqqanut Atuarfinnullu Ingerlatsiviup Corona pillugu Allattoqarfik suleqatigalugu matusineq sivitsorneqassanersoq isummerfigissavaat.