Tikinnissaq nalunaaquttap akunnerinik 48-nik sioqqullugu misissortissimanissamut piumasaqaat 72-inut allanngortinneqarpoq

Kalaallit Nunaannut aallassaguit Coronamut misissortinnissamut piffissaqarnerulaalissaatit. Ataasinngorneq 6. septembari aallarnerfigalugu misissortissimanermut uppernarsaammik, nalunaaqquttap akunnerinik 72-inik pisoqaassusilimmik nassarlutit timmisartumut ikisinnaalissaatit. Ullumikkut Coronamut misissortinneq nalunaaquttap akunnerinit 48-nit pisoqaanerusussaanngilaq.

Coronamut misissortereeruit suli inunnut allanut qanillinaveersaassavatit aammalu katersuuttut orninnaveersaassavatit.