Imarpik qulaallugu angalanissamut bilitsit amerlanerusut aamma toqqaannartumik tikissinnaaneq

Apriilimili KĂžbenhavnip aamma Kangerlussuup akornanni angallavimmi ilaasinnaasut sapaatit akunnerannut 1000-inut killiligaasimapput. Ataasinngornermit 6. septembari aallarnerfigalugu sapaatit akunnerannut amerlassusissat 1500-nut amerlineqassapput. Tamatuma peqatigisaanik Islandimiit tikittussat sapaatit akunnerannut 180-iusinnaalerput.

Naalakkersuisut ammaaqqinnissamut pilersaarutaanni tikittunut killilersuinerit tamarmik 1. oktobarimi atorunnaarnissaat siunnerfigineqarpoq.

Aamma illoqarfinnut nunaqarfinnullu ataasiakkaanut tikinnissamut killilersuutit immikkut ittut atorunnaarput. Kalaallit Nunaanni sumiiffinnut tamanut angalasoqarsinnaalerpoq, illoqarfiit anginerit ilaanni angerlarsimaqqaartoqartariaarulluni.