Inuit marluk tunillatsissimasut

Kingullermik nutarterneqarpoq

Inuit marluk, tamarmik Nuummiittut ullup unnuallu kingulliup ingerlanerani coronavirusimik tunillatsissimasutut paasineqarput. Sapaatit akunneri arlallik tuniluuttoqangaatsiareersoq, marluinnaat tunillatsissimasinerat nutaarsiassaavoq nuannersoq, taamaakkaluartoq nunatta nakorsaanera Henrik L. Hansen silatusaartoqarnissaa kaammattuutigaa.

”Coronavirusit ilaannit Deltamit tunillatsinnerup nappaatillu malunnarsisanera akornani piffissaq sivisusarpoq, taamaammat døgnip iluani Upernavimmi, Aasianni Sisimiunilu misiligutit positivertaqanngippata, isumaqanngilaq aarlerinartueruttoq. Inuit tamarmik suli mianersussapput oqartussallu innersuussutaat malillugit,” Henrik L. Hansen oqarpoq.

Ullup unnuallu kingulliup ingerlanerani inuit 680-it misissortissimapput.