Tunillatsissimasut nutaat 14-it: Suli Sisimiuni tuniluuttoqangaatsiartoq
Kingullermik nutarterneqarpoqUllup unnuallu kingulliup ingerlanerani inuit 14-it Coronavirusimik tunillatsissimasut paasineqarpoq. Tunillatsissimasunit aqqanillit Sisimiuniipput, sinnerilu pingasut Aasianniit Nuummut angalaqqammerput.
”Matumani tunillaassuiffiusut ilisimaneqartut ilisimaneqanngitsullu pineqarput. Taamaattumik suli Sisimiuni mianersornissamut tunngavissaqarpoq. Tassalu: Qanillinaveersaarit, errortukulagit katerittullu orninnaveersaakkit”, nakorsaaneq Henrik L. Hansen oqarpoq.
Ippassaq kommunalbestyrelsip qinnuteqarneratigut Naalakkersuisut aalajangiipput, imerniartarfinni fistertunilu tuniluuttoqarnissaa pinngitsoortinniarlugu Sisimiuni nunaqarfiinilu imigassanik tuniniaaneq matuneqassasoq.
Tunillatsissimasunik Sarfaq Ittuk-mut ilaasoqartoq
Sapaatit akunneranni matumani ilaqutariinnguit sinersortaammut Sarfaq Ittuk-mut ilaallutik angalapput. Inuit taakku Aasianni sapaammi 8. aggustimi ikipput aammalu marlunngormat ullaakkut Nuummi niullutik.
Inuit piffissami tassani umiarsuarmut ilaasimasut ersiuteqalernissartik eqqumaffigilluassavaat, aammalu napparsimalernermut ersiuteqalerunik erngerlutik misissortissallutik.